Dinamalar

'இந்தியன் 3' வெளியீடு தள்ளிப் போக வாய்ப்பு ?

ஷங்கர் இயக்கத்தில், அனிருத் இசையமைப்பில், கமல்ஹாசன், சித்தார்த், பிரியா பவானி சங்கர் மற்றும் பலர் நடிப்பில் வெளிவந்த படம் 'இந்தியன் 2'. அதிக எதிர்பார்ப்புகளை ஏற்படுத்திய இந்தப் படத்திற்கு கடுமையான நெகட்டிவ் விமர்சனங்கள் வந்து படத்தின் வெற்றியையும், வசூலையும் பாதித்தது. நேற்று ஓடிடியில் வெளியான இந்தப் படத்திற்கு மீண்டும் அதிக நெகட்டிவ் விமர்சனங்கள் வந்து கொண்டிருக்கின்றன. ஓடிடி தளத்திலிருந்து சில பல வீடியோக்களை 'கட்' செய்து அவற்றை வைத்து 'டிரோல்' செய்தும் வருகிறார்கள்.

இதனிடையே, 'இந்தியன் 3' படம் பற்றி ஒரு தகவல் தற்போது கோலிவுட்டில் கசிந்துள்ளது. முதலில் இந்த மூன்றாம் பாகப் படத்தை 2025 பொங்கலுக்கு வெளியிட திட்டமிட்டிருந்தார்களாம். ஆனால், இரண்டாம் பாகத்திற்கு வந்த விமர்சனங்களை அடுத்து மீண்டும் சில காட்சிகளை 'ரீ ஷூட்' செய்யலாம் என பேசி முடிவெடுத்திருக்கிறார்களாம் என்று ஏற்கெனவே தகவல் வெளியானது.

ஷங்கர் தற்போது ராம் சரண் நடிக்கும் 'கேம் சேஞ்சர்' படத்தின் வேலைகளில் இருக்கிறார். இந்த ஆண்டு கிறிஸ்துமஸ் தினத்திற்கு அப்படம் வெளியாக உள்ளது. அந்தப் படத்தின் ரிலீசுக்குப் பிறகும் சில நாட்கள் இருந்து, அதற்குப் பிறகுதான் அவர் 'இந்தியன் 3' பக்கம் வருவாராம். அதற்குள் கமல்ஹாசனும் மணிரத்னம் இயக்கி வரும் 'தக் லைப்' படத்தை முடித்துக் கொடுத்துவிடுவாராம்.

தேவைப்பட்டால் 'இந்தியன் 3'யில் சில பல மாற்றங்களைச் செய்யவும் தயாரிப்பு நிறுவனம் அனுமதி அளித்துள்ளது என்றும் தகவல் வெளியாகி உள்ளது. அதனால், அடுத்த வருட கோடை விடுமுறையில்தான் மூன்றாம் பாகம் வரும் என்கிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...