நியூயார்க் நகரில் ‛இந்திய தின அணிவகுப்பு: பாலிவுட் நடிகர் பங்கஜ் திரிபாதி பங்கேற்பு - India Day Parade in New York City: Bollywood actor Pankaj Tripathi participates

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

நியூயார்க் நகரில் ‛இந்திய தின அணிவகுப்பு': பாலிவுட் நடிகர் பங்கஜ் திரிபாதி பங்கேற்பு

23 ஆக, 2024 - 05:15 IST

எழுத்தின் அளவு:

அமெரிக்காவின் நியூயார்க் நகரில் ‛இந்திய தின அணிவகுப்பு' ஒவ்வொரு ஆண்டும் பிரமாண்டமாக நடத்தப்படுவது வழக்கம். இந்தியாவின் சுதந்திர தினத்திற்கு பிறகு ஏற்பாடு செய்யப்படும் இந்த அணிவகுப்பு மிகவும் பிரசித்தி பெற்றது. ஒவ்வொரு ஆண்டும் இதில் பல இந்திய பிரபலங்கள் பங்குபெறுவார்கள்.

அதன்படி, இந்தாண்டு நியூயார்க்கில் நடைபெற்ற இந்திய தின அணிவகுப்பில் பாலிவுட் நடிகர் பங்கஜ் திரிபாதி பங்கேற்றார். ‛ஸ்ட்ரீ 2' திரைப்படத்தின் வெற்றியால் உற்சாகமடைந்த பங்கஜ் திரிபாதி இதில் பங்கேற்க கவுரவ விருந்தினராக அழைக்கப்பட்டார். குடும்பத்துடன் பங்கேற்ற பங்கஜ் திரிபாதி உடன், அணிவகுப்பு முடிந்ததும், ஏராளமான பார்வையாளர்கள், ரசிகர்கள் செல்பி எடுக்க முற்பட்டனர். ஆனால் பாதுகாப்பு காரணங்களுக்காக செல்பி எடுக்க அனுமதிக்கப்படவில்லை.

ரசிகர்கள் ஏமாற்றம் அடைந்துவிடக்கூடாது என்பதற்காக பங்கஜ் திரிபாதி, கூட்டத்தினருடன் சேர்ந்து செல்பி எடுத்து மகிழ்ந்தார். இது குறித்து அவர் கூறியதாவது: ஒரு நடிகரின் உண்மையான வெற்றி பார்வையாளர்களின் அன்பு மற்றும் மரியாதையில் உள்ளது என்று நான் எப்போதும் நம்புகிறேன். ரசிகர்களின் அன்புக்கு நான் செய்யும் கடமையாக இதனை உணர்கிறேன். அங்குள்ள மக்களின் அரவணைப்பு மற்றும் பாசத்தால் மூழ்கினேன். அவர்கள் என்னிடம் காட்டிய அன்பிற்கு நான் மிகவும் நன்றியுள்ளவனாக இருக்கிறேன். இவ்வாறு அவர் கூறினார்.

Pankaj Tripathi

NewYork

IndiaDay Parade

கருத்துகள் (0) கருத்தைப் பதிவு செய்ய

இந்திய அளவில் மூன்றாவது இடத்திற்கு ...

கங்கனாவுக்கு கொலை மிரட்டல்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய