Dinamalar

நியூயார்க் மேயருக்கு அல்லு அர்ஜுன் நன்றி

கடந்த டிசம்பர் மாதம் தெலுங்கில் உருவாகி பான் இந்தியா படமாக வெளியான 'புஷ்பா ; தி ரைஸ்' படத்திற்கு பிறகு அல்லு அர்ஜுனின் நட்சத்திர அந்தஸ்து மிகப்பெரிய அளவில் அதிகரித்துள்ளது. குறிப்பாக தென்னிந்தியா மட்டும் அல்லாது பாலிவுட்டிலும் அல்லு அர்ஜுன் படங்களுக்கு தற்போது மிகப்பெரிய எதிர்பார்ப்பு எழுந்துள்ளது. புஷ்பா படத்தில் அல்லு அர்ஜுன் பேசும் வசனங்களும் அவரின் சில மேனரிசங்களும் இந்தியாவைத் தாண்டி வெளிநாட்டில் உள்ளவர்களையும் வசீகரித்தன.

அது எந்த அளவுக்கு எதிரொலித்தது என்றால், சமீபத்தில் நியூயார்க்கில் நடைபெற்ற, சுமார் ஐந்து லட்சம் பார்வையாளர்கள் கலந்து கொண்ட, 'இந்தியா டே பரேட்' நிகழ்ச்சியில் நியூயார்க் மேயர் எரிக் ஆடம் உடன் இணைந்து சிறப்பு விருந்தினராக பங்கேற்றுள்ளார் அல்லு அர்ஜுன். அதுமட்டுமல்ல அந்த நிகழ்ச்சி முடிந்ததும் அல்லு அர்ஜுன் மீதான தனது ஈர்ப்பை வெளிப்படுத்தும் விதமாக, புஷ்பா படத்தில் அல்லு அர்ஜுன் தனது தாடையின் கீழ் கைவைத்து தேய்க்கும் மேனரிசத்தை நியூயார்க் மேயரும் செய்துள்ளார்.

இது குறித்த புகைப்படங்களை சோஷியல் மீடியாவில் பகிர்ந்து கொண்டுள்ள அல்லு அர்ஜுன், “நியூயார்க் மேயரை சந்தித்தது ரொம்பவே மகிழ்ச்சி. அவர் பழகுவதற்கு எளிதான ஜென்டில்மேன். என்னை கவுரவப்படுத்தியதற்கு மிக்க நன்றி எரிக் ஆடம்ஸ்” என்று கூறியுள்ளார்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை