Dinamalar

‛குணா' ரீ-ரிலீஸிற்கான தடை நீக்கம் : ஐகோர்ட் உத்தரவு

சந்தான பாரதி இயக்கத்தில் கமல் நடிப்பில் 1991ல் வெளியான படம் ‛குணா'. இளையராஜா இசையமைத்து இருந்தார். கமலின் நடிப்பு, இளையராஜாவின் இசை, குணா குகை என படத்தில் பல விஷயங்கள் பேசப்பட்டாலும் அந்த சமயம் படம் வரவேற்பை பெறவில்லை. ஆனால் இப்போது வரை கமலின் நடிப்பை கூறும் படங்களில் இந்த குணா-விற்கு ஒரு இடம் உண்டு.

இந்த படத்தை ரீ-ரிலீஸ் செய்யும் வேலைகள் நடந்து வந்தன. இதனை பிரமீடு மற்றும் எவர்கிரின் மீடியா நிறுவனங்கள் மேற்கொண்டு வந்தன. ஆனால் படத்தின் பதிப்புரிமை தன்னிடம் இருப்பதாக கூறி குணா படத்தை ரீ-ரிலீஸ் செய்ய தடை விதிக்க கோரி கன்ஷியாம் ஹேம்தேவ் என்பவர் சென்னை ஐகோர்ட்டில் வழக்கு தொடர்ந்தார். இதை விசாரித்த நீதிமன்றம் ரீ-ரிலீஸ் செய்ய இடைக்கால தடை விதித்து, இதுபற்றி பிரமீடு மற்றும் எவர்கிரின் மீடியா நிறுவனங்கள் பதிலளிக்க உத்தரவிட்டிருந்து.

இந்த வழக்கு இன்று(செப்., 6) மீண்டும் விசாரணைக்கு வந்தபோது பிரமீடு மற்றும் எவர்கிரின் மீடியா நிறுவனங்கள் தரப்பில் ஆஜரான வக்கீல், குணா படத்தின் பதிப்புரிமை காலம் 5 ஆண்டுகள் மட்டுமே வழங்கப்பட்டிருந்தது. எனவே குணா படத்தின் வெளியிடும் உரிமையை கன்ஷியாம் ஹேம்தேவ் கோர முடியாது என வாதிட்டார். இதனை ஏற்ற நீதிபதி, குணா படத்தின் ரீ-ரிலீஸிற்கு விதிக்கப்பட்ட இடைக்கால தடையை நீக்கி உத்தரவிட்டார்.

இதையடுத்து விரைவில் குணா படம் ரீ-ரிலீஸ் ஆகும் என தெரிகிறது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்
• 
  சூப்பர் ஹீரோயினாக மாறிய கல்யாணி பிரியதர்ஷன்
• 
  ஷோபனாவை அவமதித்த ஊழியர் : படப்பிடிப்பு தளத்தையே நடுங்க வைத்த அமிதாப் ...
• 
  விபத்தில் சிக்கிய வில்லன் நடிகரை நேரில் சந்தித்து ஆறுதல் கூறிய ...
• 
  சிவகார்த்திகேயனுக்கு ஜோடியாகும் கயாடு லோகர், கல்யாணி பிரியதர்ஷன்