Dinamalar

தமிழ் சினிமாவில் அடுத்த திருமண முறிவு : மனைவி ஆர்த்தியை பிரிவதாக ஜெயம் ரவி அறிவிப்பு

தமிழ் சினிமாவில் முன்னணி நடிகராக வலம் வரும் ஜெயம் ரவி, தனது மனைவி ஆர்த்தியை பிரிவதாக அறிவித்துள்ளார்.

எடிட்டர் மோகனின் இளைய மகனாக ‛ஜெயம்' படத்தின் மூலம் ஹீரோவாக அறிமுகமானவர் ரவி. பின்னாளில் ஜெயம் ரவியாக மாறினார். தொடர்ந்து தனது அண்ணன் மோகன் ராஜா இயக்கத்திலும், மற்ற இயக்குனர்களின் படங்களிலும் நடித்து இன்று முன்னணி நடிகராக வலம் வருகிறார். கடந்த 2009ல் தயாரிப்பாளர் சுஜாதாவின் மகள் ஆர்த்தியை திருமணம் செய்தார். இவர்களுக்கு இரண்டு மகன்கள் உள்ளனர்.

15 ஆண்டுகள் இவரது திருமண வாழ்க்கை நன்றாக சென்றது. சில மாதங்களாக இவர்கள் பிரிவதாக செய்திகள் வந்த வண்ணம் இருந்தன. ஆனால் இருவரும் அதைப்பற்றி மவுனம் காத்து வந்தனர். இவர்களை சேர்த்து வைக்க குடும்பத்தினர் பேசி வந்த நிலையில் அது உடன்படாததால் இப்போது மனைவி ஆர்த்தியை பிரிவதாக ஜெயம் ரவி அறிவித்துள்ளார்.

இதுதொடர்பாக எக்ஸ் தளத்தில் அவர் வெளியிட்ட அறிக்கை : ‛‛வாழ்க்கை என்பது பல அத்தியாயங்களை கொண்ட ஒரு பயணம். மிகவும் நெஞ்சம் கசந்த ஒரு தனிப்பட்ட செய்தியை பகிர வேண்டிய கட்டாயத்தில் உள்ளேன். நீண்டகால யோசனை மற்றும் பல பரிசீலனைக்கு பின் ஆர்த்தி உடனான எனது திருமண வாழ்வில் இருந்து விலகுவது என மிகவும் கடினமான ஒரு முடிவை எடுத்துள்ளேன். இந்த முடிவு எளிதாக எடுக்கப்பட்டதல்ல, என்னை சாந்தவர்களின் நலனை கருத்தில் கொண்டு அவர்களின் நல்வாழ்விற்காக எடுக்கப்பட்டது.

இந்த நேரத்தில் எனது தனியுரிமையையும் எனக்கு நெருக்கமானவர்களின் தனியுரிமைகளுக்கு மதிப்பளிக்கும்படி கேட்டுக் கொள்கிறேன். இது எனது சொந்த முடிவாகும். இந்த விஷயம் என்னுடைய தனிப்பட்ட விஷயமாகவே இருக்க வேண்டும் என வேண்டுகிறேன். எனது முன்னுரிமை எப்போதும் நடிப்பு மூலம் ரசிகர்கள் மற்றும் மக்களுக்கு மகிழ்ச்சி அளிக்கும். நான் என்றும் எப்போதும் உங்கள் ஜெயம் ரவியாகவே இருக்க விரும்புகிறேன். உங்கள் அனைவரின் ஆதரவுக்கு நன்றி.

இவ்வாறு அவர் தெரிவித்துள்ளார்.

சமீபத்தில் இசையமைப்பாளர்கள் இமான், ஜிவி பிரகாஷ், நடிகர் தனுஷ் ஆகியோர் தங்களது மனைவியை பிரிவதாக அறிவித்தனர். இப்போது ஜெயம் ரவியும் தனது மனைவியை பிரிந்துள்ளார்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?