Dinamalar

இளையராஜாவை சந்தித்த 'லப்பர் பந்து' குழுவினர்

தமிழரசன் பச்சமுத்து இயக்கத்தில், ஷான் ரோல்டன் இசையமைப்பில், தினேஷ், ஹரிஷ் கல்யாண், ஸ்வாசிகா, சஞ்சான கிருஷ்ணமூர்த்தி மற்றும் பலர் நடிப்பில் வெளியாகி வரவேற்பையும், வெற்றியையும் பெற்ற படம் 'லப்பர் பந்து'.

இப்படத்தில் இளையராஜாவின் இசையில் விஜயகாந்த் நடித்த 'பொன்மனச் செல்வன்' படத்தில் இடம் பெற்ற 'நீ பொட்டு வச்ச தங்கக் குடம்' என்ற பாடலைப் பயன்படுத்தி இருந்தனர். படத்தின் நாயகன் தினேஷ் கிரிக்கெட் விளையாடும் போதெல்லாம் அந்தப் பாடல் ஒலித்தது. படத்தின் ரசிப்புத்தன்மைக்கு அதுவும் ஒரு காரணமாக இருந்தது.

இந்நிலையில் படக்குழுவினரால் கடந்த வாரம் மறைந்த விஜயகாந்த் குடும்பத்தினரை மரியாதை நிமித்தமாக சந்தித்தனர். தற்போது இளையராஜாவை சந்தித்து நன்றி தெரிவித்துள்ளனர். அவரது இசையில் உருவாகிய பாடல்களை அனுமதி இல்லாமல் பயன்படுத்துவதற்கு இளையராஜா எதிர்ப்பு தெரிவித்தும், வழக்கு தொடர்வதும் சிலர் சர்ச்சையாக்கி வந்தனர்.

இளையராஜாவிடம் உரிய அனுமதியைப் பெற்று பாடலைப் பயன்படுத்திய படக்குழுவினர் அவருக்கு நன்றி தெரிவிக்கும் விதமாக சந்தித்தது இளையராஜா ரசிகர்களுக்கும் மகிழ்ச்சியை அளித்துள்ளது. படத் தயாரிப்பாளர் லட்சுமண், இயக்குனர் தமிழரசன் பச்சமுத்து, நடிகர்கள் தினேஷ், ஹரிஷ் கல்யாண், சஞ்சனா கிருஷ்ணமூர்த்தி உள்ளிட்டவர்கள் இளையராஜாவை சந்தித்தனர்.

• செய்திகள்
• வந்த படங்கள்
• வரவிருக்கும் படங்கள்

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...