Dinamalar

'விவாரியம்' ஹாலிவுட் படத்தின் ரீமேக் 'பிளாக்' ?

அறிமுக இயக்குனர் பாலசுப்ரமணி இயக்கத்தில் சாம் சிஎஸ் இசையமைப்பில் ஜீவா, பிரியா பவானி சங்கர் மற்றும் பலர் நடிப்பில் இந்த வாரம் அக்டோபர் 11ம் தேதி வெளியாக உள்ள படம் 'பிளாக்'. இப்படத்தின் டிரைலர் பத்து தினங்களுக்கு முன்பே வெளிவந்தது. அப்போதே இந்தப் படம் ஹாலிவுட் படத்தின் காப்பி என்று ரசிகர்கள் கமெண்ட் செய்து வந்தனர்.

'கோஹெரன்ட்' படத்தின் காப்பி என்று சிலரும், 'விவாரியம்' படத்தின் காப்பி என்று சிலரும் கூறினர். ஆனால், 'விவாரியம்' படத்தின் டிரைலருக்கும், 'பிளாக்' படத்தின் டிரைலருக்கும் தான் பொருத்தம் அதிகமாக உள்ளது.

புதிதாகக் கட்டப்பட்ட வில்லா குடியிருப்பு ஒன்றில் முதல் குடும்பமாக நுழையும் கணவன் - மனைவி (?) அங்கு சந்திக்கும் சில மர்மங்கள்தான் 'விவாரியம்' ஹாலிவுட் டிரைலரிலும், 'பிளாக்' டிரைலரிலும் இடம் பெற்றுள்ளது.

நேற்று நடைபெற்ற பத்திரிகையாளர் சந்திப்பில் படத்தின் தயாரிப்பாளர் எஸ்ஆர் பிரபு பேசுகையில், “டிரைலர் வந்த உடனே நிறைய கமெண்ட்கள் வந்தது. இதுவரை 20க்கும் மேற்பட்ட படங்கள் எடுத்திருக்கோம். ரீமேக் படங்களை எடுத்ததில்லை. இதுதான் முதல் ரீமேக் படம். ஒரு ஆங்கிலப் படத்தின் ரீமேக்தான், முறையாக ரைட்ஸ் வாங்கி பண்ணியிருக்கோம். எந்தப் படம்கிறது ரிலீஸுக்கு அப்புறம் பேசுவோம்,” என்றார்.

படத்தின் டைட்டிலில் எப்படியும் அது பற்றிய 'அறிவிப்பு கார்டு' இடம் பெறும். அப்போது ரசிகர்கள் இது எந்த ஹாலிவுட் படத்தின் ரீமேக் என்பதைத் தெரிந்து கொள்ளலாம்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...