Dinamalar

பிளாஷ்பேக் : 'டிக் டிக் டிக்' படத்தால் சர்ச்சையில் சிக்கிய பாரதிராஜா

இயக்குனர் பாரதிராஜா '16 வயதினிலே' போன்று உலகத் தரமான படங்களையும் இயக்கி உள்ளார். 'அலைகள் ஓய்வதில்லை' போன்று புரட்சிப் படங்களையும் இயக்கி உள்ளார், 'கிழக்கே போகும் ரயில்' போன்று காதல் படங்கள் இயக்கி உள்ளார். அவருடைய படங்கள் அனைத்தும் பாராட்டுக்களை பெற்றன. ஆனால் 'டிக் டிக் டிக்' படத்திற்கே சர்ச்சைகள் எழுந்தன.

பாரதிராஜாவின் மிக நெருங்கிய நண்பரான ஆர்.சி.பிரகாஷ் என்பவர் ஒரு நாள் அவருடன் பேசிக் கொண்டிருந்த போது "நீ எல்லாம் மண்வாசனை படங்கள் எடுக்கத்தான் லாயக்கு உன்னால் ஹாலிவுட் தரத்திற்கு படம் எடுக்க முடியுமா" என்று கேட்டார். 'தயாரிக்க நீ ரெடி என்றால் இயக்க நான் ரெடி' என்றார் பாரதிராஜா. இந்த சவாலில் உருவானது தான் 'டிக் டிக் டிக்'.

பாரதிராஜா, ஆங்கில எழுத்தாளரான ஜேம்ஸ் அட்லி ஜெஸ் என்பவரின் தீவிர ரசிகர். அவர் எழுதிய 'டைகர் பைதி டெல்ஸ்' என்ற கதையை தழுவி உருவானதுதான் 'டிக் டிக் டிக்'. அழகிகளான மூன்று பெண்களின் உடலுக்குள் வைத்து வைரத்தை கடத்தும் கதை. இந்தப் படத்தில் அந்த அழகிகளாக மாதவி, ராதா, ஸ்வப்னா நடித்தார்கள். இதனை கண்டுபிடிக்கும் போட்டோகிராபராக கமல் நடித்திருந்தார்.

முதலில் இந்த படத்தின் டைட்டிலுக்கு தயாரிப்பாளர்கள் மற்றும் விநியோகஸ்தர்கள் மத்தியில் அதிருப்தி ஏற்பட்டது ஏற்பட்டது. 3 நாயகிகளும் நீச்சல் அணிந்து இருக்கும் படத்தின் பர்ஸ்ட் லுக் போஸ்டர் வெளியான போது கடும் எதிர்ப்பை சம்பாதித்தது. சட்டசபையில் கூட இது குறித்து கேள்வி எழுப்பப்பட்டது. சென்சாரிலும் ஏகப்பட்ட கேள்விகள்.

படம் வெளிவந்த பிறகு கடுமையாக விமர்சிக்கப்பட்டாலும் அன்றைய மீடியாக்கள் பாரதிராஜாவை திட்டியிருந்தாலும். படம் வெற்றி பெற்று நல்ல வசூலை கொடுத்தது. பின்னர் இந்த படம் இந்தியில் 'கரிஷ்மா' என்ற பெயரில் ரீமேக் செய்யப்பட்டது. ஐ.வி. சசி இயக்கினார். கமலுடன் ரீனா ராய், தீனா அம்பானி நடித்தனர்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!