Dinamalar

அமெரிக்கா - 'விடாமுயற்சி' வசூலை நெருங்கும் 'டிராகன்'

2025ம் ஆண்டு ஆரம்பமான பின் அமெரிக்காவில் தமிழ்ப் படங்கள் எதுவும் ஒரு மில்லியன் டாலர் வசூலை இதுவரை கடக்கவில்லை. கடந்த இரண்டு மாதங்களில் 40 படங்கள் வரை வெளிவந்துவிட்டன. அவற்றில் 'விடாமுயற்சி' படம் மட்டும் வெளியான முதல் வார இறுதியில் 8 லட்சம் யுஎஸ் டாலர் வசூலித்ததாக அதிகாரப்பூர்வமாக அறிவித்தார்கள். இந்திய ரூபாய் மதிப்பில் 6 கோடி. முதல் வார இறுதியில் மட்டும்தான் இப்படத்திற்கு வரவேற்பு இருந்தது. அதன்பின் வசூல் அதிரடியாகக் குறைந்துவிட்டது.

பிரதீப் ரங்கநாதன் நடித்த 'டிராகன்' படம் கடந்த வாரம் வெள்ளியன்று வெளியானது. அமெரிக்காவில் மூன்று நாட்களில் மட்டும் 6,50,000 யுஎஸ் டாலர் வசூலித்துள்ளதாக அதிகாரப்பூர்வமாக அறிவித்துள்ளார்கள். 'விடாமுயற்சி' வசூலுடன் ஒப்பிடும் போது இதுவும் சிறந்த வசூல்தான். இந்த வார இறுதியிலும் இப்படத்திற்கான வரவேற்பு அதிகமாகவே இருக்கும் என எதிர்பார்க்கிறார்கள். 'விடாமுயற்சி' வசூலை முறியடித்து ஒரு மில்லியன் யுஎஸ் டாலர் வசூலை 'டிராகன்' படம் கடக்கும் என்று எதிர்பார்க்கப்படுகிறது.

உலக அளவில் 'டிராகன்' படம் 50 கோடி வசூலைக் கடந்ததாக நேற்று அதிகாரப்பூர்வமாக அறிவித்திருந்தார்கள். இந்த வார இறுதிக்குள் 100 கோடி வசூல் கடந்துவிடும் என்பது பாக்ஸ் ஆபீஸ் தகவல்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி