Dinamalar

ரம்பாவின் சொத்து மதிப்பு 2000 கோடி: தயாரிப்பாளர் தாணு தந்த தகவல்

தமிழ் சினிமாவில் 90களில் முன்னணி நடிகைகளில் ஒருவராக இருந்தவர் ரம்பா. தெலுங்கை தாய்மொழியாகக் கொண்டிருந்தாலும் தமிழில் நிறைய வெற்றிப் படங்களில் முன்னணி நடிகர்களுடன் நடித்துள்ளார். தெலுங்கு, மலையாளம், கன்னடம், ஹிந்தி, போஜ்புரி ஆகிய மொழிகளிலும் நடித்துள்ளார்.

2010ம் ஆண்டில் கனடா வாழ் இலங்கைத் தமிழரான இந்திரகுமார் பத்மநாபன் என்பவரைத் திருமணம் செய்து கொண்டார். அதன்பின் கனடாவிலேயே செட்டிலாகிவிட்டார் ரம்பா. அவர்களுக்கு இரண்டு மகள்கள், ஒரு மகன் இருக்கிறார்கள். அவ்வப்போது சென்னை பக்கம் வரும் ரம்பா, சில டிவி நிகழ்ச்சிகளில் நடுவராகப் பங்கேற்றுள்ளார்.

தற்போது மீண்டும் சினிமாவில் தீவிரமாக நடிக்க வேண்டும் என்ற ஆசையில் வந்துள்ளாராம். அது பற்றி 'ராபர்' பட விழாவில் தயாரிப்பாளர் தாணு பேசும்போது, ''2000 கோடி ரூபாய் சொத்துக்கு அதிபதி ரம்பா. அவரது கணவர் இந்திரகுமார் பெரிய பிசினஸ்மேன். சில நாட்களுக்கு முன்பு அவர் என்னிடம் வந்து ரம்பாவுக்கு மீண்டும் சினிமா வாய்ப்பு தர வேண்டும் என்று கேட்டார். நானே நல்ல கம்பெனியாகப் பார்த்து சொல்கிறேன்,'' எனப் பேசினார்.

சமூக வலைதளங்களில் ரம்பாவின் 2000 கோடி சொத்து பற்றிதான் இப்போது ரசிகர்கள் பேசி வருகிறார்கள். அவரை விடவும் அதிகமான சொத்து வைத்துள்ள நடிகர்கள், நடிகைகளும் இங்கிருக்கிறார்கள்.

• செய்திகள்
• ஆல்பம்
• வால் பேப்பர்கள்
• வரவிருக்கும் படங்கள்

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  கூலி படத்துக்கு விமர்சனம் : மவுனம் கலைத்த லோகேஷ் கனகராஜ்
• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்