Dinamalar

இன்ஸ்டா பிரபலத்தை பிரபாஸின் ஜோடியாக்கியது ஏன்? : இயக்குனர் விளக்கம்

பிரபாஸ் நடிப்பில் மாருதி இயக்கத்தில் உருவாகியுள்ள ராஜா சாப் திரைப்படம் வரும் ஏப்ரல் மாதம் ரிலீஸ் ஆகும் விதமாக பணிகள் விறுவிறுப்பாக நடைபெற்று வருகின்றன. இன்னொரு பக்கம் பிரபாஸ் தற்போது இயக்குனர் ஹனுராகவ புடி இயக்கத்தில் உருவாகி வரும் பாவ்ஜி என்கிற படத்தில் நடித்து வருகிறார். இந்த படத்தின் கதாநாயகியாக முக்கிய கதாபாத்திரத்தில் இமான்வி (இவர் முழுப்பெயர் இமான் இஸ்மாயில்) என்பவர் அறிமுகம் ஆகிறார்.

இவர் சோசியல் மீடியாவில் குறிப்பாக இன்ஸ்டாவில் ரீல்ஸ் மூலமாக ஏற்கனவே அதிக அளவில் ரசிகர்களிடம் பிரபலமானவர். இவரது ரீல்ஸ் வீடியோக்கள், குறிப்பாக இவரது பரதநாட்டிய வீடியோக்கள் மூலமாக ரொம்பவே இம்ப்ரஸ் ஆன இயக்குனர் ஹனுராகவ புடி தனது படத்தின் கதாநாயகி இவர் பொருத்தமாக இருப்பார் என முடிவு செய்து அவரை தேர்ந்தெடுத்து நடிக்க வைத்துள்ளார்.

இதுபற்றி அவர் கூறும்போது, “இமான்வியின் நடனமும் குறிப்பாக அவரது பவர்புல்லான கண்களும் எனக்கு ரொம்பவே பிடித்தன. நான் எழுதிய கதாபாத்திரத்திற்கு இவர் பொருத்தமாக இருப்பார் என முடிவு செய்தேன். முன்பு போல இயக்குனர்கள் தங்கள் கதாபாத்திரங்களுக்கான தேர்வை தேடுவதற்கு சிரமப்பட வேண்டாம். அதற்கு சோசியல் மீடியா இப்போது ரொம்பவே உதவியாக இருக்கிறது. பலரும் தங்களது திறமைகளை போட்டி போட்டுக் கொண்டு சோசியல் மீடியாவில் வெளிப்படுத்தி வருவதால் நம் தேர்வு எளிதாகிறது” என்று கூறியுள்ளார்.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  சிரிப்பிற்கு தனி அடையாளம் தந்த நடிகர் மதன் பாப் காலமானார்
• 
  அதிரடி மாஸ் காட்டும் ரஜினியின் ‛கூலி' பட டிரைலர்
• 
  சூர்யாவின் 46வது படத்தில் இணைந்த பவானிஸ்ரீ
• 
  கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம்
• 
  துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக ...