Dinamalar

'கல்கி 2' அப்டேட் கொடுத்த இயக்குனர்

நாக் அஷ்வின் இயக்கத்தில், பிரபாஸ், தீபிகா படுகோனே, அமிதாப்பச்சன், கமல்ஹாசன் மற்றும் பலர் நடிப்பில் கடந்த வருடம் வெளிவந்த தெலுங்குப் படம் 'கல்கி 2898 ஏடி'. 1100 கோடிக்கும் அதிகமாக வசூலித்து வெற்றி பெற்ற படம். இரண்டு பாகங்களாக வெளியாகப் போகும் படம் என்று ஆரம்பத்திலேயே சொன்னார்கள். முதல் பாகம் கடந்த வருடம் வெளிவந்த நிலையில் இரண்டாம் பாகத்தின் படப்பிடிப்பு இன்னும் ஆரம்பாகாமல் இருக்கிறது.

இந்நிலையில் சமீபத்தில் பத்திரிகையாளர்களை சந்தித்த இயக்குனர் நாக் அஷ்வின் 'கல்கி 2898 ஏடி' படத்தின் இரண்டாம் பாகம் பற்றிய அப்டேட்டைக் கொடுத்துள்ளார்.

“கல்கி 2ம் பாகத்தின் படப்பிடிப்பு அனேகமாக இந்த வருடக் கடைசியில் ஆரம்பமாகும். அதற்கான முன்கட்ட வேலைகளை ஆரம்பித்துவிட்டோம். எப்போது சரியாக ஆரம்பமாகும் என்பதன் அறிவிப்பை பிரபாஸ் தேதிகளை உறுதி செய்த பின் அறிவிப்போம். ஆனால், இப்படத்தின் வேலைகள் நிச்சயமாக நடக்கும்,” என்று குறிப்பிட்டுள்ளார்.

பிரபாஸ் இப்படத்திற்குத் தேதிகளைக் கொடுக்கத் தள்ளிப் போடுகிறார் என்று ஒரு வதந்தி பரவியது. அதனால், நாக் அஷ்வின் வேறு ஒரு படத்தை அதற்குள் இயக்க உள்ளார் என்றும் தகவல் வெளியானது. அதற்காகத்தான் இப்படம் பற்றிய அப்டேட்டைக் கொடுத்துள்ளார் நாக் அஷ்வின்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...