Dinamalar

தமிழில் அடுத்தடுத்து அறிமுகமாகும் மலையாள நடிகர்கள்

தமிழ் சினிமாவில் வந்து நடிக்கும் மற்ற மொழி நடிகர்களின் எண்ணிக்கை கொஞ்சம் கொஞ்சமாக கூடிக் கொண்டே போகிறது. மலையாளம், தெலுங்கு, ஹிந்தி, கன்னடம் ஆகிய மொழிகளிலிருந்து தமிழுக்கு வந்து நடிக்கும் நடிகர்கள் அந்தக் காலத்திலிருந்தே இருக்கிறது.

தெலுங்கு, ஹிந்தியிலிருந்து ஹீரோயின்கள் அதிகமாக வருவார்கள். மலையாளம், தெலுங்கிலிருந்து வில்லன் நடிகர்கள் அதிகம் வருவார்கள். இப்போது பலதரப்பட்ட கதாபாத்திரங்களுக்கும் வர ஆரம்பித்துள்ளார்கள்.

நேற்று வெளியான 'வீர தீர சூரன் 2' படத்தின் மூலம் மலையாள நடிகரான சூரஜ் வெஞ்சாரமூடு தமிழில் அறிமுகமாகியுள்ளார். மிமிக்ரி கலைஞரான தனது கலை வாழ்க்கையை ஆரம்பித்தவர் தற்போது மலையாள சினிமாவில் முக்கிய நடிகர்களில் ஒருவராக வளர்ந்துள்ளார். தமிழ் சினிமா ரசிகர்களுக்கு 'தி கிரேட் இந்தியன் கிச்சன்' மலையாளப் படம் மூலம் தெரிந்திருப்பார்.

இவரை அடுத்து 'கூலி' படத்தில் மலையாள நடிகரான சவுபின் ஷாகிர் அறிமுகமாக உள்ளார். உதவி இயக்குனராக இருந்து நடிகராக வளர்ந்தவர். 'மஞ்சுமேல் பாய்ஸ்' மலையாளப் படம் இவரை தமிழ் ரசிகர்களுக்கு அறிமுகம் செய்து வைத்தது.

மலையாள நடிகர்களான மம்முட்டி, மோகன்லால், துல்கர் சல்மான் உள்ளிட்ட பலரும் அவ்வப்போது தமிழ் சினிமாவில் வந்து நடித்துவிட்டுப் போவார்கள். இந்தப் பட்டியல் வரும் காலங்களில் இன்னும் அதிகமாகும் என்று எதிர்பார்க்கப்படுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...