Dinamalar

எல் 2 எம்புரான்: ஹிந்துக்கள் எதிர்ப்பு, 17 காட்சிகளை நீக்க முடிவு

பிரித்விராஜ் சுகுமாரன் இயக்கத்தில், மோகன்லால் நடிப்பில் இரு தினங்களுக்கு முன்பு வெளியான மலையாளப் படம் 'எல் 2 எம்புரான்'.

இப்படத்தில் 2002ல் நடந்த குஜராஜ் கலவரத்தை மையப்படுத்தி சில காட்சிகள் இடம் பெற்றுள்ளன. அந்தக் கலவரத்தின் போது முஸ்லிம் மக்களைக் கொன்றவரின் பெயர் 'பாபா பஜ்ரங்கி' என படத்தில் இடம் பெற்றுள்ளது. படத்தில் அந்தக் கதாபாத்திரத்தைத்தான் முக்கிய வில்லனாகக் காட்டியுள்ளார்கள்.

படத்தில் மேலும் சில காட்சிகள் ஹிந்துக்களின் உணர்வுகளைப் புண்படுத்துவதாக உள்ளது என்றும் குற்றச்சாட்டு எழுந்துள்ளது. இதனால், வட இந்திய மாநிலங்களில் இப்படத்திற்கு கடும் எதிர்ப்பு ஏற்பட்டு வருகிறது. படத்தில் இடம் பெற்றுள்ள சர்ச்சைக்குரிய காட்சிகளை நீக்க வேண்டும், வில்லனின் பெயரை மாற்ற வேண்டும் என அவர்கள் கூறி வருகின்றனர்.

இதையடுத்து படத்தில் உள்ள 17 காட்சிகளை சரி செய்து நீக்கவும், வில்லனின் பெயரை மாற்றவும் படக்குழு தீர்மானித்துள்ளதாகத் தகவல் வெளியாகி உள்ளது. அவற்றைச் செய்து மீண்டும் சென்சார் செய்ய உள்ளதாகவும் தெரிகிறது.

இந்தப் படத்தில் இவ்வளவு சர்ச்சைக்குரிய காட்சிகள் இருக்கும் நிலையில் அதை சென்சார் செய்தவர்கள் எப்படி அனுமதித்தனர் என்றும் பலர் கேள்வி எழுப்பி வருகிறார்கள். இந்த சர்ச்சைகளால் படத்தின் வசூல் பெருமளவில் பாதிக்கப்பட்டுள்ளதாக பாக்ஸ் ஆபீஸ் வட்டாரங்கள் தெரிவிக்கின்றன.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி