Dinamalar

நாகசைதன்யா நடிக்கும் புதிய வெப்சீரிஸ் ‛மாய சபா'

தெலுங்கு இளம் நடிகரான நாகசைதன்யா சில மாதங்களுக்கு முன்பு நடிகை சோபிதா துலிபாலாவை மறுமணம் செய்து கொண்டார்.. இதனை தொடர்ந்து மீண்டும் தனது தொழிலில் மீண்டும் கவனம் செலுத்த துவங்கியுள்ள நாகசைதன்யா நடிப்பில் உருவான தண்டேல் திரைப்படம் சமீபத்தில் வெளியானது. ஓரளவு நல்ல வரவேற்பையும் வெற்றியையும் பெற்றது.

இதனைத் தொடர்ந்து தற்போது புதிதாக உருவாகி வரும் மாய சபா - சீசன் 1 என்கிற வெப் சீரிஸிலும் நடித்துள்ளார் நாகசைதன்யா. இந்த வெப் சீரிஸை தற்போது ராஜமவுலி - மகேஷ் பாபு இருவர் கூட்டணியில் உருவாகி வரும் படத்திற்கு வசனம் எழுதி வரும் வசனகர்த்தாவான தேவகட்டா இயக்கியுள்ளார். கிட்டத்தட்ட 400 நிமிடங்கள் ஓடும் விதமாக உருவாகியுள்ள இந்த வெப் சீரிஸின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று வருகின்றன.

வரும் செப்டம்பர் அல்லது அக்டோபர் மாதத்தில் இந்த வெப் சீரிஸ் வெளியாகும் என தேவகட்டா கூறியுள்ளார். இதற்கு முன்னதாக நாகசைதன்யா 2023ல் விக்ரம் கே குமார் இயக்கத்தில் உருவான தூதா என்கிற வெப் சீரிஸில் முதன்முறையாக நடித்திருந்தார். அந்த வெப் சீரிஸ் மிகப்பெரிய வெற்றி பெற்றதைத் தொடர்ந்து ஒரு பக்கம் திரைப்படம் இன்னொரு பக்கம் வெப்சீரிஸ் என இரண்டுக்கும் சம முக்கியத்துவம் கொடுக்க முடிவு செய்துள்ளாராம் நாகசைதன்யா.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...