Dinamalar

‛யாதும் அறியான்' பர்ஸ்ட் லுக் வெளியீடு

அறிமுக இயக்குனர் கோபி இயக்கத்தில் சைக்கோ திரில்லர் கதையாக உருவாகியுள்ள படம் ‛யாதும் அறியான்'. நடிகர் தினேஷ் படத்தின் மூலம் நாயகனாக அறிமுகமாகிறார். பிரேக்கிங் பாயின்ட் பிக்சர்ஸ் நிறுவனம் தயாரித்துள்ள இப்படத்தின் பர்ஸ்ட்லுக் போஸ்டர் வெளியிடப்பட்டுள்ளது. நாயகியாக பிரானா நடித்துள்ளார். தேசிய விருது பெற்ற நடிகர் அப்புக்குட்டி, தம்பி ராமையா, விஜய் 'டிவி' கே.பி.ஒய் ஆனந்தபாண்டி, ஷியாமல், ஷேக் ஆகியோர் முக்கிய கதாபாத்திரங்களில் நடித்துள்ளனர்.

கொல்லிமலையில் இருக்கும் ஒரு பழைய பங்களாவிற்கு சென்ற நண்பர்கள் சந்திக்கும் பிரச்னைகளை மையப்படுத்தி சைக்கோ திரில்லர் ஜானரில் இப்படத்தை கோபி படமாக்கியுள்ளார். இவர், ஏற்கனவே 'தி பிளைண்ட் டைரக்டர்' என்ற குறும்படத்தை இயக்கியுள்ளார். இது சிறந்த குறும்படத்திற்கான தேசிய விருது பெற்றுள்ளது.
படத்தில் தொழில் நுட்பக்குழுவில் உதவி இயக்குனராக ராஜகுமாரி மற்றும் ஒளிப்பதிவை எல்.டி.,யும், இசையை தர்மபிரகாசும் அமைத்துள்ளனர். நெல்லை லெனின் கலை இயக்குனராக, எஸ்.கே.சித்திக் பாடல்கள் எழுத, படத்தின் பி.ஆர்.ஓ.,வாக தர்மதுரை, சுரேஷ் செயல்பட்டுள்ளனர்.

படம் பற்றி இயக்குனர் கோபி, நடிகர் தினேஷ் ஆகியோர் கூட்டாக செய்தியாளர்களிடம் கூறியதாவது: படத்தில் நடித்தவர்கள் அனைவரும் இரவு, பகலாக அர்ப்பணிப்பு உணர்வுடன் முழு ஈடுபாட்டோடு, சம்பந்தப்பட்ட கதாபாத்திரங்களாகவே மாறி தங்கள் நடிப்பை, திறமையை வெளிப்படுத்தியுள்ளனர். படம் நிச்சயம் வெற்றி பெறும். படத்தின் டிரைலர் விரைவில் வெளியிடப்படும். ஜூன் அல்லது ஜூலையில் படம் ரிலீசாகும். இவ்வாறு அவர்கள் கூறினர்.

• செய்திகள்
• வந்த படங்கள்
• வரவிருக்கும் படங்கள்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...