Dinamalar

இந்தியப் படங்களுக்கு சிக்கல் : அமெரிக்காவில் அதிக வரி விதிப்பு

உலக அளவில் அதிக அளவிலான சினிமா தியேட்டர்கள் உள்ள நாடுகளில் சீனா, அமெரிக்கா, இந்தியா ஆகிய நாடுகள் உள்ளன. அமெரிக்காவில் தயாராகும் ஹாலிவுட் படங்கள் உலக அளவில் வெளியாகி வசூலைக் குவிக்கின்றன. அதுபோல மற்ற வெளிநாடுகளில் தயாராகும் படங்கள் அமெரிக்காவிலும் திரையிடப்பட்டு அங்கு குறிப்பிடத்தக்க வசூலைப் பெறுகின்றன.

இந்நிலையில் அமெரிக்கா அதிபர் டொனால்டு டிரம்ப் வெளிநாட்டு படங்களுக்கு அமெரிக்காவில் 100 சதவீத வரியை உயர்த்தியுள்ளார். இதனால், இந்தியத் திரைப்படங்கள் அமெரிக்காவில் திரையிடப்படுவதற்கும் சிக்கல் ஏற்படும். தமிழ், தெலுங்கு, ஹிந்தி மொழிப் படங்கள் அமெரிக்காவில் வெளியாகி அங்கு மில்லியன் கணக்கில் வசூலை அள்ளுகின்றன. வரி உயர்வு காரணமாக டிக்கெட் கட்டணங்கள் உயரும். அதற்கு இனி பாதிப்புகள் வரும். தியேட்டர்களுக்குச் சென்று வெளிநாட்டுப் படங்களைப் பார்ப்பதைத் தவிர்க்க ஆரம்பிப்பார்கள். ஓடிடியில் வந்த பிறகு பார்த்துக் கொள்ளலாம் என்ற மனநிலை வரும்.

ட்ரூத் சோஷியல் சமூக வலைத் தளத்தில் டொனால்டு டிரம்ப், “மெரிக்காவில் திரைப்படத் துறை மிக வேகமாக மரணத்தை நோக்கிச் சென்று கொண்டிருக்கிறது. மற்ற நாடுகள் நமது திரைப்படத் தயாரிப்பாளர்களையும் ஸ்டுடியோக்களையும் அமெரிக்காவிலிருந்து விலக்க அனைத்து வகையான சலுகைகளையும் வழங்குகின்றன.

ஹாலிவுட் மற்றும் அமெரிக்காவில் உள்ள பல பகுதிகள் பேரழிவிற்கு உள்ளாகி வருகின்றன. இது மற்ற நாடுகளின் ஒருங்கிணைந்த முயற்சியாகும், எனவே, இது ஒரு தேசிய பாதுகாப்பு அச்சுறுத்தலாகும். இது மற்ற எல்லாவற்றிற்கும் மேலாக, பிரச்சாரம் என்ற பெயரில் செய்தியை அனுப்புவதாகும். எனவே, வெளிநாட்டில் தயாரிக்கப்பட்டு, நமது நாட்டிற்குள் வரும் எந்தவொரு மற்றும் அனைத்து திரைப்படங்களுக்கும் 100% வரி விதிக்கும் செயல்முறையை உடனடியாகத் தொடங்க வணிகத் துறை மற்றும் அமெரிக்க வர்த்தக பிரதிநிதிக்கு நான் அதிகாரம் அளிக்கிறேன். அமெரிக்காவில் தயாரிக்கப்பட்ட திரைப்படங்களை மீண்டும் நாங்கள் விரும்புகிறோம்…,” என்று குறிப்பிட்டுள்ளார்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!