Dinamalar

பிளாஷ்பேக் : 75 வருடங்களுக்கு முன்பே 'டைம் டிராவல்'

'டைம் டிராவல்' என்பது ஒரு விஞ்ஞான கற்பனை. அதாவது நிகழ்காலத்தில் இருந்து கடந்த காலத்திற்கும், எதிர்காலத்திற்கும் பயணிப்பது. இது கற்பனை கருவி என்றாலும் சுவாரஸ்யமானது. இந்த டைம் டிராவலை மையமாக வைத்து ஏராளமான படங்கள் ஹாலிவுட்டில் வெளிவந்திருக்கிறது. தமிழிலும்கூட அவ்வப்போது வந்திருக்கிறது. முக்கியமான படமாக 'இன்று நேற்று நாளை' படத்தை சொல்லலாம்.

ஆனால் 75 வருடங்களுக்கு முன்பே 'இன்பவல்லி' என்ற படத்தில் இந்த டைம் டிராவல் யுக்தியை பயன்படுத்தியிருக்கிறார்கள். ஒரு காலக் கண்ணாடி இருக்கும், எந்த காலத்துக்கு நாம் செல்ல வேண்டுமே அந்த காலத்தை சொல்லி சில மந்திரங்களை சொன்னால் அந்த கண்ணாடி அந்த காலத்தில் நடந்ததை காட்டும். பிற்காலத்தில் அந்த காலகட்டத்திற்குள் உள்ளே போவது மாதிரியான கதை வளர்ச்சி ஏற்பட்டது. அதன் முன்னோடி இந்த காலக்கண்ணாடி.

இந்த படத்தின் கதை 'ஆயிரத்தோரு இரவுகள்' என்ற அரேபிய நாட்டுபுற கதையை அடிப்படையாக கொண்டது. ஏராளமான மாயாஜால காட்சிகள் கொண்டது. மனிதர்கள் குரங்காய் மாறுவது, மிருகங்கள் மனிதனாக மாறுவது மாதிரியான ஏராளமான மாயாஜால காட்சிகள் இருந்தது. இந்த தந்திர காட்சிகளாலேயே படமும் வெற்றி பெற்றது.

இதில் டி.ஆர். மகாலிங்கம், பி.எஸ்.சரோஜா, என்.எஸ்.கிருஷ்ணன், டி.ஏ. மதுரம், பி.கே.சரஸ்வதி, எம்.ஆர்.சுவாமிநாதன், ஈ.ஆர்.சகாதேவன், கே.எஸ். அங்கமுத்து, டி.வி.சேதுராமன், சி.வி.வேலப்பா, பி.சுந்தர் ராவ், ஏ.வி.ராம்குமார், ஆர்.விநாயகம், எஸ்.மேனகா, எம்.டி.கிருஷ்ணா பாய், எம்.லட்சுமணன், எம்.சரோஜா, சேதுலட்சுமி, கே.ஜெயலட்சுமி, பாக்யலட்சுமி, கே.எஸ்.ஹரிஹர ஐயர், 'காக்கா' ராதாகிருஷ்ணன் மற்றும் எம்.சாமிநாதன் ஆகியோர் நடித்திருந்தார்கள்.

இன்பவல்லி திரைப்படம், ஷ்யாமல் பிக்சர்ஸ் நிறுவனத்தால் தயாரிக்கப்பட்டு, சேலத்தில் உள்ள ரத்னா ஸ்டுடியோவில் தயாரிக்கப்பட்டது. படத்தின் ஒளிப்பதிவை வி.பி.ஜக்தாப் கையாண்டார். இதன் இசையை ஜி.ராமநாதன் அமைத்தார். நொட்டானி இயக்கிய படம்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!