Dinamalar

தாதாசாகேப் பால்கே பயோபிக் : இரண்டு படங்கள் போட்டி?

இந்திய சினிமாவின் தந்தை என்றழைக்கப்படும் தாதாசாகேப் பால்கே பற்றிய வாழ்க்கை வரலாற்றுப் படத்தை இரண்டு குழுவினர் படமாக எடுக்க முயற்சிப்பது நேற்று பரபரப்பை ஏற்படுத்தியுள்ளது.

தெலுங்கு இயக்குனரான ராஜமவுலி இந்த பயோபிக் குறித்த அறிவிப்பை 2023ம் ஆண்டு வெளியிட்டுள்ளார். தேசிய விருது வென்ற நிதின் கக்கர் இயக்க 'மேட் இன் இந்தியா' என்ற அந்தப் படத்தை மராத்தி, தெலுங்கு, ஹிந்தி, தமிழ் கன்னடம், மலையாளம் ஆகிய மொழிகளில் வெளியிடப் போவதாக அப்போதே அறிவித்துள்ளனர். அதற்கான கதை, திரைக்கதை வேலைகள் கடந்த இரண்டு வருடங்களாக நடந்து வந்துள்ளது. அதில் பால்கே கதாபாத்திரத்தில் தெலுங்கு நடிகரான ஜுனியர் என்டிஆர் நடிக்கலாம் என்று கடந்த சில தினங்களாக செய்திகள் வெளியாகின.

இந்நிலையில் தாதாசாகேப் பால்கே பற்றிய பயோபிக் படத்தை பிரபல ஹிந்தி இயக்குனர் ராஜ்குமார் ஹிரானி இயக்க அதில் பால்கே கதாபாத்திரத்தில் அமீர்கான் நடிக்க உள்ளதாக தற்போது செய்திகள் வந்துள்ளன. ஹிரானி, அமீர்கான் கூட்டணி '3 இடியட்ஸ், பிகே' படங்களுக்குப் பிறகு இந்த படத்தில் மீண்டும் இணைகிறார்கள். இதற்காக கடந்த நான்கு வருடங்களாக கதை, திரைக்கதை வேலைகள் நடந்து வந்துள்ளதாம்.

ஒரே சமயத்தில் இப்படி போட்டியான பயோபிக் படங்கள் உருவாக உள்ளது பற்றிய செய்தி சர்ச்சையை ஏற்படுத்தியுள்ளது. இதில் எந்தப் படம் முதலில் தயாராகும் என்பது விரைவில் தெரிய வரும்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி
• 
  கர்மா பற்றி எனக்கு பாடம் எடுக்காதீர்கள் ; நடிகர் விநாயகன் காட்டம்