Dinamalar

தக் லைப் டிரைலர் வெளியீடு : நீயா... நானா... என மோதும் கமல், சிம்பு!

மணிரத்னம் இயக்கத்தில் நீண்ட இடைவெளிக்கு பின் கமல் நடித்துள்ள படம் ‛தக் லைப்'. இதில் சிம்பு, திரிஷா, ஐஸ்வர்யா லட்சுமி, நாசர், ஜோஜு ஜார்ஜ், அபிராமி உள்ளிட்டோர் நடித்துள்ளனர். ஏஆர் ரஹ்மான் இசையமைத்துள்ளார். கமலின் ராஜ்கமல் பிலிம்ஸ், மணிரத்னத்தின் மெட்ராஸ் டாக்கீஸ், உதயநிதியின் ரெட் ஜெயன்ட் ஆகிய நிறுவனங்கள் இணைந்து தயாரித்துள்ளனர்.

ஜுன் 5ல் பான் இந்தியா படமாக தமிழ், தெலுங்கு, ஹிந்தி உள்ளிட்ட மொழிகளில் வெளியாகிறது. இன்று(மே 17) படத்தின் டிரைலர் வெளியானது. 2 நிமிடம் ஓடக் கூடிய இந்த டிரைலரில் கமல், சிம்பு இடையேயான மோதல் தான் கதை என தெரிகிறது.

கேங்ஸ்டரான கமலின் உயிரை சின்ன வயது சிறுவன் சிம்பு காப்பாற்றுவார் போல் தெரிகிறது. அதன்பின் சிம்புவை தன் மகன் போல் வளர்க்கிறார். ஒருக்கட்டத்தில் இவர்களுக்குள் பகை வர நீயா... நானா... பார்த்துவிடலாம் என மோதுகின்றனர். படத்தின் டிரைலர் இதை தான் சொல்கிறது.

படத்தின் காட்சி அமைப்பு, பின்னணி இசை கமலுக்கு இணையாக சிம்புவின் நடிப்பு, இருவரின் ஆக்ரோஷமான ஆக் ஷன் மோதல் என டிரைலர் பார்க்க நன்றாக உள்ளது. அதோடு கமலின் மனைவியாக அபிராமியும், காதலியாக திரிஷாவும் வருவார்கள் என டிரைலரை பார்க்கையில் புரிகிறது.

தமிழ் மட்டுமல்லாது தெலுங்கு, ஹிந்தியிலும் டிரைலர் வெளியாகி உள்ளது. ஒரு மணிநேரத்தில் தமிழ் டிரைலருக்கு 10 லட்சத்திற்கும் அதிகமான பார்வைகள் கிடைத்தன. தெலுங்கு, ஹிந்திக்கு குறைவான பார்வைகளே கிடைத்தன.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா
• 
  'பராசக்தி' படத்தின் இசை வெளியீட்டு விழா, எங்கே, எப்போது?
• 
  ரிலீசில் ரிகார்டு!: வசூலில் பெரும்பாடு: தமிழ் சினிமாவில் ரூ.2000 கோடியை ...