Dinamalar

நாயகன் படத்தின் தொடர்ச்சியா... தக் லைப் : கமல் பதில்

மணிரத்னம் இயக்கத்தில் உருவாகி உள்ள ‛தக் லைப்' படம் ஜுன் 5ல் ரிலீஸாகிறது. இதுதொடர்பாக படத்தில் நடித்த கமல், சிம்பு, திரிஷா உள்ளிட்டோர் செய்தியாளர்களை சந்தித்தனர். கமல் பேசுகையில், ‛‛தக் லைப் படம் எல்லா தரப்பு ரசிகர்களுக்கும் பிடிக்கும். மணிரத்னம் எடுக்க நினைத்த சினிமாவை இப்போது தான் இயக்குகிறார். அவர் அவரது ஸ்டைலில் இயக்கி உள்ளார். நான் என் ஸ்டைலில் நடித்துள்ளேன். நாயகன் படத்தின் சாயலே தெரியாத அளவுக்கு இந்த படத்தை எடுத்துள்ளோம். இது நாயகன் படத்தின் தொடர்ச்சி அல்ல என்பதை பல இடங்களில் கூறியுள்ளோம்.

அடுத்த தலைமுறை நடிகர்கள் என்னை பற்றி பேசுகிறார்கள். அதுவே எனக்கு கிடைத்த பெருமை. அவர்கள் இன்னும் மேலே உயரணும் என்பது தான் என் ஆசை. என்னை பார்த்து அவர்கள் கற்றுக் கொள்வதாக சொல்கிறார்கள். நானும் அவர்களை பார்த்து நிறைய விஷயம் கற்கிறேன். ஏஐ கற்க தான் போனேன். ஆனால் அது நம்மள விட பெருசு. அதை முழுமையாக தெரியாமல் நான் பயன்படுத்த மாட்டேன். வாழ்வில் மரணத்தை தவிர்க்க முடியாது. இருப்பதற்குள் நாம் என்ன பண்ண முடியுமோ அதை செய்து விடணும்'' என்றார்

சிம்பு பேசுகையில், ‛‛பொதுவாக நாம் நம்முடைய காட்சி பற்றி தான் கவனம் செலுத்துவோம். ஆனால் கமல் அவருடையது மட்டுமின்றி எல்லோருடைய காட்சி, வசனங்களையும் உற்று கவனிப்பார். இதுமாதிரி அவரிடம் நிறைய விஷயம் கற்றுக் கொண்டேன். இப்போது என்னை பார்ப்பவர்கள் முன்பை விட அமைதியான ஆளாக இருப்பதாக சொல்கிறார்கள். ஏன் என தெரியவில்லை. அந்த வயதில் அப்படி இருந்தேன். இந்த வயதில் இப்படி இருக்கிறேன். படப்பிடிப்பு தளத்தில் கமல் அவராக இருந்தார். நான் நானாக இருந்தேன். என் திருமணம் நேரம் வரும்போது கண்டிப்பாக நடக்கும்'' என்றார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு
• 
  ஜனநாயகன் படத்தின் தமிழக தியேட்டர் உரிமையில் கடும் போட்டி
• 
  அர்ஜுன் தாஸின் நீண்ட நாள் கனவு நனவாகியது
• 
  ஹாலிவுட் யுனிவர்ஸ் பாணியில் உருவாகும் பென்ஸ் : இயக்குனர் பாக்யராஜ் ...