Dinamalar

பிளாஷ்பேக்: விஜயகாந்த் படத்தில் ஆட மறுத்த சில்க் ஸ்மிதா

விஜயகாந்தை வைத்து எஸ்.ஏ.சந்திரசேகர் தொடர்ந்து படங்கள் இயக்கி கொண்டிருந்த காலத்தில் இவர்கள் இணையும் படத்தில் கண்டிப்பாக சில்க் ஸ்மிதாவின் கவர்ச்சி நடனம் இடம்பெறும். அந்த வகையில் தயாரான படம் 'வீட்டுக்கு ஒரு கண்ணகி'. இந்த படத்தில் சுஜாதா, ஜெய்சங்கர், நளினி, சங்கிலி முருகன், சத்யகலா, ரவீந்தர் உள்ளிட்ட பலர் நடித்திருந்தனர்.

வழக்கம்போல இந்தப் படத்திலும் கவர்ச்சி ஆடலுக்கு ஒப்பந்தம் செய்யப்பட்டார் சில்க் ஸ்மிதா. இரண்டு நாட்கள் பாடல் காட்சிகள் படமாக்கப்பட்ட நிலையில் தொடர்ந்து ஆட சில்ஸ் ஸ்மிதா மறுத்து விட்டார். பின்னர் அந்த பாடல் காட்சி அனுராதா ஆட்டத்தில் படமானது. இந்த படத்தில் ஆட சில்க் ஸ்மிதா சம்பளத்தை உயர்த்தியதாகவும், தயாரிப்பாளரும், இயக்குனருமான எஸ்.ஏ.சந்திரசேகர் முந்தைய படங்களில் ஆடிய சம்பளத்தைதான் தருவதாகவும் கூறியதால் சில்க் ஸ்மிதா ஆடவில்லை, சில்க் ஸ்மிதாவிற்கு பேசப்பட்ட சம்பளத்தில் பாதியில்தான் அனுராதா ஆடியதாகவும் கூறுவார்கள்.

ஆனால் சில்க் ஸ்மிதா சம்பளத்தை பெரிதாக பார்க்க மாட்டார். பல படங்களில் சம்பளம் வாங்கமலேயே ஆடியிருக்கிறார். சிறு படங்களில் குறைந்த சம்பளத்தில் ஆடியிருக்கிறார் என்று ஒரு சாரார் அப்போது கூறினார். படத்தில் ஜெயமாலினியின் கவர்ச்சி நடனம் ஒன்று இடம்பெற்றது சில்க் ஸ்மிதாவிற்கு பிடிக்கவில்லை என்றும் கூறப்பட்டது. ஆனாலும் சில்க் ஸ்மிதா ஆட மறுத்ததற்கான உண்மையான காரணம் கடைசி வரை தெரியவில்லை.

• செய்திகள்
• ஆல்பம்
• வந்த படங்கள்

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?