Dinamalar

டெரரான கெட்டப்பில் ராஷ்மிகா : மைசா படத்தின் அதிரடி போஸ்டர் வெளியானது

தமிழ், தெலுங்கு, ஹிந்தி ஆகிய மொழிகளில் பரவலாக நடித்து வரும் ராஷ்மிகா மந்தனா தற்போது மைசா என்ற படத்தில் கதையின் நாயகியாக ஆக்ஷன் ரோலில் நடித்திருக்கிறார். ரவீந்திரா புல்லே என்பவர் இயக்கி வரும் இந்த படத்தின் போஸ்டரை தனது இன்ஸ்டாகிராம் பக்கத்தில் வெளியிட்டு இருக்கிறார் ராஷ்மிகா.

அது குறித்து அவர் வெளியிட்டுள்ள பதிவில், இனிமேல் புதிதாக சுவராஸ்யமாக வித்தியாசமான கதாபாத்திரங்களை தொடர்ந்து ரசிகர்களுக்கு கொடுப்பதற்கு முயற்சி செய்வேன். இந்த படமும் அப்படிப்பட்ட ஒரு முயற்சி தான். குறிப்பாக இதுவரை நான் நடித்திராத மாறுபட்ட கதாபாத்திரம். இதுவரை ரசிகர்களுக்கு நான் காட்டாத புதிய முகம். அதோடு இது பயங்கரமானது. ஒரு பக்கம் பதட்டமாகவும், இன்னொரு பக்கம் உற்சாகமாகவும் இருக்கிறேன். நாங்கள் உருவாக்கும் இந்த வித்தியாசமான படைப்பை நீங்கள் எப்போது பார்ப்பீர்கள் என்று நான் ஆவலுடன் காத்திருக்கிறேன். இது ஆரம்பம்தான் என்று பதிவிட்டுள்ளார் ராஷ்மிகா.

மைசா படத்தின் பர்ஸ்ட் லுக்கில் ஒரு பாரம்பரிய புடவையில் பழங்குடி நகைகள் மற்றும் மூக்குத்தியுடன் காட்சியளிக்கும் ராஷ்மிகா, கோண்ட் பழங்குடியினத்தை பிரதிநிதித்துவப்படுத்தும் தோற்றத்தில் முற்றிலும் புதிய மற்றும் பயமுறுத்தும் முகபாவனையுடன் காட்சியளிக்கிறார். ரத்தம் சிந்திய தோற்றமும், கைப்பிடியில் பிடித்து வைத்திருக்கும் மர்மப் பொருளும், கதையின் மிரட்டலான தருணங்களை நமக்கு முன்வைக்கின்றன.

ஏற்கனவே அனுஷ்கா காட்டி என்ற படத்தில் கஞ்சா வியாபாரியாக டெரர்ரான தோற்றத்தில் நடித்துள்ள நிலையில், தற்போது அதையே மிஞ்சும் வகையில் மைசா படத்தில் அதிரடியாக வேடத்தில் ராஷ்மிகா மந்தனா நடித்திருக்கிறார் என்பது இந்த படத்தின் போஸ்டர் மூலம் தெரிய வந்திருக்கிறது.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  வன்முறை, ரத்தம் தெறிக்கும் காட்சிகள் : ரஜினியின் 'கூலி' படத்திற்கு ‛ஏ' ...
• 
  பிரதீப் ரங்கநாதன் பாணியில் அபிஷன் ஜீவிந்த் நாளை மறுநாள் ஹீரோ ஆகிறார்
• 
  பிட்னஸ் ரகசியத்தை வெளியிட்ட சமந்தா
• 
  ஜெயிலர் 2 படப்பிடிப்பு : மீண்டும் கேரளா செல்லும் ரஜினி
• 
  3 விருதுகளை வென்ற ‛பார்க்கிங்' : ஷாரூக்கான், ராணி முகர்ஜி, ஜிவி ...