Dinamalar

'2018' பட இயக்குனரின் டைரக்ஷனில் கதாநாயகியாக அறிமுகமாகும் மோகன்லாலின் மகள்

தமிழ் சினிமா அளவிற்கு இல்லாவிட்டாலும் கூட மலையாள திரையுலகில் பிரபல நட்சத்திரங்களின் வாரிசுகள் தங்களின் பெற்றோரை போல நடிப்பிலோ டைரக்ஷனிலோ தங்களது பயணத்தை துவங்குவது என்பது நடந்து கொண்டுதான் இருக்கிறது. அந்த வகையில் தற்போது நடிகர் மோகன்லாலின் மகள் விஸ்மாயா முதன்முறையாக நடிகையாக அறிமுகமாகிறார். இவர் கதாநாயகியாக அறிமுகமாகும் இந்த படத்திற்கு 'தொடக்கம்' (துடக்கம்) என டைட்டில் வைக்கப்பட்டுள்ளது. கடந்த சில வருடங்களுக்கு முன்பு வெளியாகி மிகப்பெரிய வெற்றியைப் பெற்ற '2018' என்கிற படத்தை இயக்கிய இயக்குனர் ஜூட் ஆண்டனி ஜோசப் இந்த படத்தை இயக்குகிறார்.

சினிமா தயாரிப்பில் 25ம் ஆண்டில் அடிஎடுத்து வைக்கும் மோகன்லாலின் ஆசிர்வாத் சினிமாஸ் நிறுவனம் விஸ்மாயா அறிமுகமாகும் இந்த படத்தை தயாரிக்கிறது. இதற்கு முன்னதாக மோகன்லாலின் மகன் பிரணவ், இயக்குனர் ஜீத்து ஜோசப்பிடம் உதவி இயக்குனராக பணியாற்றியவர், டைரக்ஷன் துறையில் நுழைவார் என எதிர்பார்க்கப்பட்டது. அதற்கு மாறாக தந்தையைப் போலவே அவரும் கடந்த 2018ல் ஒரு நடிகராக சினிமாவில் அறிமுகமானார். தொடர்ந்து ஓரளவுக்கு வெற்றி படங்களையும் கொடுத்து வருகிறார். இந்த நிலையில் தான் பெரிய அளவில் மீடியாவில் வெளிச்சம் படாமல் வலம் வந்த விஸ்மாயாவும் தற்போது நடிகையாக களமிறங்குகிறார் என்பது குறிப்பிடத்தக்கது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!