சிரிப்பிற்கு தனி அடையாளம் தந்த நடிகர் மதன் பாப் காலமானார் | அதிரடி மாஸ் காட்டும் ரஜினியின் ‛கூலி' பட டிரைலர் | சூர்யாவின் 46வது படத்தில் இணைந்த பவானிஸ்ரீ | முதல் தேசிய விருது : அட்லிக்கு நன்றி தெரிவித்த ஷாருக்கான் | கிளைமேக்ஸ் மாற்றப்பட்டு ரீ-ரிலீஸ் ஆன தனுஷ் படம் : இயக்குனர் கோபம் | துள்ளுவதோ இளமை அபினய்க்கு என்னாச்சு : லிவர் ஆபரேசனுக்காக காத்திருக்கிறார்? | கூலிக்கு ஏ சான்றிதழ், 2:48 நிமிடம் நீளம் : இதெல்லாம் பட வசூலை பாதிக்குமா? | கொலை செய்யப்பட்ட தமிழ் ஒளிப்பதிவாளருக்கு கிடைத்த தேசிய விருது | இரு தேசிய விருதுகளுக்குக் காரணமான அட்லீ, அனிருத் | பிளாஷ்பேக் : 3 மொழிகளில் வெற்றி பெற்ற அம்மா சென்டிமெண்ட் படம் |
ஒரு குறிப்பிட்ட சில நடிகர்களுக்கே சிறுவர்கள் முதல் வயதானவர்கள் வரை ரசிகர்களாக இருப்பது அபூர்வமான விஷயம். அந்த வகையில் மலையாள திரையுலகில் நடிகர் மோகன்லால் இளம் வயது ரசிகர்கள் முதல் வயதானவர்கள் வரை ரசிகர்களாக கொண்டுள்ளார். அவரது புலி முருகன் திரைப்படம் வெளியான போது இரண்டு மூன்று வயது குழந்தைகள் கூட அதே போன்ற கெட்டப்பில் ரீல்ஸ் வீடியோக்கள் போட்டது வைரலானது.
இந்த நிலையில் கேரளாவைச் சேர்ந்த 96 வயதான ராகவன் நாயர் என்பவர் தான் மோகன்லாலின் தீவிரமான ரசிகன் என்றும் அவரை ஒரு முறையாவது சந்தித்தால் மகிழ்ச்சி அடைவேன் என்றும் சோசியல் மீடியாவில் ஒரு வீடியோவை வெளியிட்டு இருந்தார். இந்த வீடியோ மிகப்பெரிய அளவில் வைரலானது. மோகன்லால் கவனத்திற்கும் சென்றது.
இதனை தொடர்ந்து, “அன்புள்ள ராகவன் சேட்டா. உங்கள் வீடியோ பார்த்தேன்.. என் மீது நீங்கள் வைத்திருக்கும் அன்பும், என் படங்களை நீங்கள் ரசித்துப் பார்ப்பதையும் அறிந்து மிக்க மகிழ்ச்சி. உங்களுக்கு என் அன்பும் பிரார்த்தனைகளும். நிச்சயமாக ஒரு நாள் உங்களை சந்திக்க வாய்ப்பு கிடைக்கும்போது சந்திப்பேன்” என்று பதில் அளித்து இருந்தார்.
இந்த நிலையில் சத்தமே இல்லாமல் அந்த வயதான ரசிகரை நேரில் சந்தித்து மகிழ்ச்சியில் ஆழ்த்தியுள்ளார் மோகன்லால். இது குறித்த வீடியோ ஒன்றை அந்த ரசிகர் தனது சோசியல் மீடியா பக்கத்தில் பகிர்ந்து கொண்டுள்ளார். 96 வயதில் இருக்கும் நபர் மோகன்லாலின் ரசிகராக இருப்பதும் அவரது கோரிக்கையை ஏற்று மோகன்ளால் அவரை சந்தித்ததும் ரசிகர்களிடம் வரவேற்பை பெற்று வருகிறது..