Dinamalar

ஒரே நாளில் மீட்கப்பட்ட உன்னி முகுந்தனின் இன்ஸ்டாகிராம் கணக்கு

திரையுலகில் பிரபலமாக இருப்பவர்களின் சோசியல் மீடியா கணக்குகள் அவ்வப்போது சில ஹேக்கர்களால் ஹேக் செய்யப்படுவதும் அதில் தேவையற்ற பதிவுகள் வெளியாகி சம்பந்தப்பட்ட பிரபலங்களுக்கு சில நேரம் சிக்கலை ஏற்படுத்துவதும் வாடிக்கையாக தொடர்ந்து வருகிறது. இதனாலேயே தங்களது சோசியல் மீடியா கணக்கு இப்படி ஹேக் செய்யப்படும்போது அது குறித்து ஒரு எச்சரிக்கை அறிவிப்பை சம்பந்தப்பட்ட பிரபலங்கள் ரசிகர்களுக்கு தெரிவித்து விடுகின்றனர்.

அந்த வகையில் பிரபல மலையாள இளம் முன்னணி நடிகர் உன்னி முகுந்தனின் இன்ஸ்டாகிராம் கணக்கு கேக் செய்யப்பட்டதாக நேற்று அவர் தனது முகநூல் பக்கம் மூலமாக தெரிவித்தார்.. இந்த பிரச்சனையை சரி செய்ய தனது குழுவினர் முயற்சி செய்து வருவதாகவும் அதுவரை தனது இன்ஸ்டாகிராம் பக்கத்தில் வெளியாகும் செய்திகளை யாரும் பொருட்படுத்த வேண்டாம் என்றும் அதற்கு பதில் அளிக்க வேண்டாம் என்றும் கேட்டுக் கொண்டிருந்தார்.

இந்த நிலையில் தற்போது தனது இன்ஸ்டாகிராம் கணக்கு மீட்கப்பட்டது என்று ஒரு தகவலை அப்டேட் செய்துள்ளார் உன்னி முகுந்தன். மேலும் அறிமுகம் இல்லாத எண்களில் இருந்து வரும் செய்திகளுக்கு பதில் அளிப்பதும் அல்லது லிங்க்குகளை கிளிக் செய்வதும் அவை உங்களது அக்கவுண்டை ஹேக் செய்ய வழிவகுத்து விடும் அபாயம் இருக்கிறது என்கிற எச்சரிக்கையை மீண்டும் ரசிகர்களுக்கு விடுத்துள்ளார் உன்னி முகுந்தன்.

• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...

• 
  பிளாஷ்பேக்: கடும் விமர்சனத்தை சந்தித்த 'கன்னி ராசி' கிளைமாக்ஸ்
• 
  பிளாஷ்பேக்: 250 படங்களில் நடித்த இந்திரா தேவி
• 
  பாலியல் குற்றச்சாட்டு : சைபர் கிரைமில் விஜய்சேதுபதி புகார்
• 
  முதல் நாளில் 39 கோடி வசூலித்த 'கிங்டம்'
• 
  மீண்டும் காதலருடன் வெளிப்படையாக நகர்வலம் வந்த சமந்தா : வைரலாகும் வீடியோ