வித்யா பாலனுக்கு நன்றி சொன்ன மலையாள காமெடி நடிகர்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

11 ஜூலை, 2025 - 05:32 IST

எழுத்தின் அளவு:

மலையாள திரையுலகில் 90களில் புகழ்பெற்ற காமெடி நடிகராக வலம் வந்தவர் ஹரிஸ்ரீ அசோகன். மலையாள சினிமாவின் வடிவேலு என்று அழைக்கப்படும் அளவிற்கு பல படங்களில் தனியாகவும் முன்னணி நடிகர்களுடன் இணைந்தும் நகைச்சுவை கதாபாத்திரங்களில் நடித்துள்ளார். சமீபகாலமாக குணச்சித்திர கதாபாத்திரங்களில் நடித்து வருகிறார். இந்த நிலையில் கடந்த 1998ல் மலையாளத்தில் திலீப் நடிப்பில் வெளியான பஞ்சாபி ஹவுஸ் திரைப்படத்தில் ஹரிஸ்ரீ அசோகன் காமெடி கலந்த முக்கிய கதாபாத்திரத்தில் நடித்திருந்தார். அந்த படத்தின் காமெடி காட்சிகள் இன்றளவும் பேசப்படுகின்றன.

அந்த வகையில் சமீபத்தில் தனது இன்ஸ்டாகிராம் பக்கத்தில் ரீல்ஸ் வீடியோக்கள் போட்டு ரசிகர்களை குஷிப்படுத்தி வரும் நடிகை வித்யா பாலன் இந்த பஞ்சாபி கவுஸிசில் ஹரிஸ்ரீ அசோகன் இடம்பெற்ற ஒரு காமெடி காட்சியை அவரைப் போலவே இமிடேட் செய்து வீடியோவாக பதிவிட்டிருந்தார். அந்த வீடியோ வைரலாகி ஹரிஸ்ரீ அசோகனுக்கும் சில நண்பர்களால் அனுப்பி வைக்கப்பட்டது. அதைப் பார்த்த ஹரிஸ்ரீ அசோகன் சமீபத்திய பேட்டி ஒன்றில் கூறும்போது, ''தன்னைப் போன்ற ஒரு நடிகரின் காட்சியை கூட மிகவும் பர்பெக்டாக இமிடேட் செய்து நடித்துள்ளார் வித்யா பாலன். என் குடும்பத்துடன் இந்த வீடியோவை பார்த்து ரசித்தேன். அவருக்கு என்னுடைய நன்றி” என்று கூறியுள்ளார்.

Vidya Balan

Harisree Ashokan

வித்யா பாலன்

ஹரிஸ்ரீ அசோகன்

கருத்துகள் (0) கருத்தைப் பதிவு செய்ய

மேலாளரை உன்னி முகுந்தன் தாக்கவில்லை ...

சிவராஜ் குமாரின் 131வது படம் அறிவிப்பு

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய