Dinamalar

10 மில்லியன் வியூஸ் - தமன்னா சாதனையை முறியடிப்பாரா பூஜா ஹெக்டே

புதிய பாடல்கள் வெளியாகும் போது 24 மணி நேரத்தில் எவ்வளவு பார்வைகள், எவ்வளவு நாட்களில் 100 மில்லியன் பார்வைகள் கடக்கிறது என அந்தப் பாடலில் இடம் பெறும் நட்சத்திரங்களின் ரசிகர்கள் எதிர்பார்ப்பார்கள்.

ரஜினி நடிக்கும் படத்தில் முன்னணி கதாநாயகிகள் ஒரே ஒரு பாடலுக்கு நடனமாடும் டிரெண்ட் புதிதல்ல. 'சிவாஜி' படத்தில் கூட 'பல்லேலக்கா' பாடலுக்காக நயன்தாரா ஒரு பாடலுக்கு நடனமாடி இருக்கிறார். 'ஜெயிலர்' படத்தில் 'காவாலா' பாடலுக்கு தமன்னா நடனமாடியது பரபரப்பாகப் பேசப்பட்டது. படத்தின் இசை வெளியீட்டு விழாவில் அப்பாடல் பற்றி ரஜினிகாந்த் பேசியதும் ஹைலைட்டாக அமைந்தது.

24 மணி நேரத்தில் 10 மில்லியன் பார்வைகளைப் பெற்ற அந்தப் பாடல் தற்போது யு டியூப் தளத்தில் அப்பாடலின் முழு வீடியோ 344 மில்லியன் பார்வைகளையும், லிரிக் வீடியோ 248 மில்லியன் பார்வைகளையும் கடந்துள்ளது. அந்த அளவிற்கு அப்பாடலுக்கு ரசிகர்களிடம் வரவேற்பு இருந்தது.

நேற்று வெளியான 'கூலி' படத்தின் பாடலான 'மோனிகா' பாடலுக்கு முன்னணி கதாநாயகியாக பூஜா ஹெக்டே நடனமாடி இருக்கிறார். அப்பாடல் தற்போது 6 மில்லியன் பார்வைகளை எட்டி உள்ளது. இன்னும் 2 மணி நேரத்திற்குள்ளாக 4 மில்லியன் பார்வைகளைப் பெற்றால்தான் 'காவாலா' பாடலின் சாதனையை முறியடிக்க முடியும்.

தமன்னா அளவிற்கு தமிழ் ரசிகர்களிடம் பூஜா பிரபலமில்லை என்றாலும் “பீஸ்ட் - அரபிக்குத்து,“, “ரெட்ரோ - கன்னிமா” பாடல் மூலம் இன்றைய ரசிகர்களைக் கவர்ந்தவர்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி