Dinamalar

இந்தியாவில் முதல் நாளில் வசூலைக் குவித்த படங்கள்

ஒவ்வொரு முறையும் முன்னணி நடிகர்களின் படங்கள் வெளியாகும் போது, முந்தைய சாதனை ஒன்றை முறியடிப்பார்களா என்று ரசிகர்கள் எதிர்பார்ப்பது வழக்கம். தமிழ் சினிமாவில் கடந்த சில நாட்களகாவே 'கூலி, கூலி' என எங்கு பார்த்தாலும் கூவிக் கொண்டிருக்கிறார்கள்.

படத்தின் ஆன்லைன் முன்பதிவு, அமெரிக்க முன்பதிவு ஆகியவை இதுவரை இல்லாத அளவிற்கு வரவேற்பு பெற்றிருப்பதே அதற்குக் காரணம். முதல் நாள் வசூலில் 'கூலி' படம் புதிய சாதனை படைக்குமா என்று எதிர்பார்க்கிறார்கள்.

தமிழ் சினிமாவைப் பொறுத்தவரையில் முதல் நாளில் அதிக வசூலைக் குவித்த படமாக விஜய் நடித்த 'லியோ' படம் 148.5 கோடியுடன் முதலிடத்தில் இருக்கிறது. இது அதிகாரப்பூர்வமாக அறிவிக்கப்பட்ட ஒன்று. மொத்த வசூலில் ரஜினிகாந்த் நடித்த '2.0' படம் 800 கோடி வசூலில் உள்ளது. ஆனால், இது அதிகாரப்பூர்வமாக அறிவிக்கப்படவில்லை.

தெலுங்கு, கன்னடம், ஹிந்தி சினிமாக்கள் கூட 1000 கோடி வசூலைப் பெற்றுவிட்டது. இருந்தாலும் எந்த ஒரு தமிழ்ப் படமும் இதுவரை அந்த சாதனையைப் படைக்கவில்லை என்ற வருத்தம் இங்குள்ளது. இதனிடையே, முதல் நாள் வசூலில் 'லியோ' பட வசூலை 'கூலி' பட வசூல் முறியடிக்கும், அதோடு, '2.0' படத்தின் மொத்த வசூலையும் முறியடிக்கும் என்று எதிர்பார்க்கப்படுகிறது.

இந்திய அளவில் முதல் நாளில் அதிக வசூலைக் குவித்து 'புஷ்பா 2' படம் 294 கோடிகளுடன் முதலிடத்தில் உள்ளது. இரண்டாவது இடத்தில் 223 கோடிகளுடன் 'ஆர்ஆர்ஆர்', மூன்றாவது இடத்தில் 215 கோடிகளுடன் 'பாகுபலி 2' , நான்காவது இடத்தில் 191 கோடிகளுடன் 'கல்கி 2898 எடி' ஆகிய தெலுங்குப் படங்கள்தான் உள்ளன.

• செய்திகள்
• வந்த படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...