Dinamalar

ஸ்ரீதேவியின் பிறந்தநாளில் அவரை நினைவுகூர்ந்த போனி கபூர்

தமிழ்த் திரையுலகத்தில் மட்டுமல்லாது, தென்னிந்தியத் திரையுலகத்தின், இந்தியத் திரையுலகத்தின் கனவுக்கன்னியாக திகழ்ந்தவர் நடிகை ஸ்ரீதேவி. 2018ம் வருடம் துபாயில் அகால மரணமடைந்தார். இன்று அவருடைய 62வது பிறந்தநாள். அதை முன்னிட்டு அவரை நினைவு கூர்ந்துள்ளார் அவரது கணவரும், தயாரிப்பாளருமான போனி கபூர். சென்னையில் நடைபெற்ற ஸ்ரீதேவியின் 27வது பிறந்தநாள் கொண்டாட்டப் புகைப்படம் ஒன்றைப் பகிர்ந்துள்ளார்.

“1990-ல் சென்னையில் அவரது பிறந்தநாள் விழாவில், நான் அவருக்கு 26-வது பிறந்தநாள் வாழ்த்து கூறினேன், ஆனால் அது உண்மையில் அவரது 27-வது பிறந்தநாள். இது அவரை இளமையாக உணர வைக்கும் ஒரு புகழ்ச்சியாக இருக்க வேண்டும், ஒவ்வொரு நாளும் அவர் இளமையாகிக் கொண்டிருக்கிறார் என்று சொல்ல விரும்பினேன். ஆனால், அவர், நான் கிண்டல் செய்கிறேன் என்று நினைத்தார்,” என்று நினைவு கூர்ந்துள்ளார்.

1990ல் ஸ்ரீதேவி, போனி கபூர் இருவரும் காதலர்களாகத்தான் இருந்துள்ளார்கள். 1987ல் 'மிஸ்டர் இந்தியா' படத்தின் படப்பிடிப்பில்தான் இருவரும் காதலிக்க ஆரம்பித்தார்கள். அப்படத்தின் தயாரிப்பாளர்களில் போனி கபூரும் ஒருவர். பின்னர் இருவரும் 1996ம் ஆண்டு திருமணம் செய்து கொண்டார்கள். அவர்களுக்கு ஜான்வி கபூர், குஷி கபூர் என இரு பெண் குழந்தைகள் பிறந்தது. இருவரும் தற்போது அம்மா வழியில் நடிப்புக்கு வந்துவிட்டனர்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி