Dinamalar

3 மணி நேரம் 40 நிமிடம் ஓடப் போகும் 'பாகுபலி தி எபிக்'

ராஜமவுலி இயக்கத்தில் பிரபாஸ், அனுஷ்கா, தமன்னா, ராணா டகுபதி, நாசர், ரம்யா கிருஷ்ணன் மற்றும் பலர் நடிப்பில் 2015ல் வெளியான 'பாகுபலி 1', 2017ல் வெளியான 'பாகுபலி 2' ஆகிய இரண்டு படங்களையும் இணைத்து ஒரே படமாக 'பாகுபலி தி எபிக்' என்ற பெயரில் இந்த மாதம் 31ம் தேதி தியேட்டர்களில் வெளியிட உள்ளார்கள்.

ஐமேக்ஸ், டால்பி விஷன், 4டிஎக்ஸ், டி பாக்ஸ், எபிக் ஆகிய திரையிடல் தொழில்நுட்பங்கள் உள்ள தியேட்டர்களிலும் இப்படம் வெளியாக உள்ளது. 'பாகுபலி' படங்கள் வெளியான போது இந்த நுட்பங்கள் கொண்ட தியேட்டர்கள் அதிகமாக இல்லை. ஆனால், இப்போது குறிப்பிடும்படியாக உள்ளன. எனவே அகன்ற திரைகளில் பார்க்கும் போது புது அனுபவம் கிடைக்கும்.

'பாகுபலி தி எபிக்' படம் 3 மணி நேரம் 40 நிமிடம் வரை இருக்கும் என அதன் தயாரிப்பாளர் ஷோபு எர்லகட்டா சமீபத்திய பேட்டி ஒன்றில் தெரிவித்துள்ளார். முதல் பாகம் 'தி எபிக்' படத்தின் இடைவேளை வரையிலும், இரண்டாம் பாகம், இடைவேளைக்குப் பிறகான படமாகவும் இருக்குமாம். சில பாடல்கள், காட்சிகள் ஆகியவற்றை நீக்கி 'தி எபிக்' படத்தை மாற்றி அமைத்துள்ளார்கள். 'பாகுபலியை கட்டப்பா ஏன் கொன்றார்' என்பது 'தி எபிக்' படத்தின் இடைவேளை காட்சியாக அமைக்கப்பட்டுள்ளதாம்.

இரண்டு பாகங்களை இணைத்து ஒரே பாகமாக மறு வெளியீடு செய்வது இந்தியத் திரையுலகத்தில் இதுதான் முதல் முறை. ரசிகர்கள் மீண்டும் படத்தைப் பார்த்து எந்த அளவிற்கு ஆதரவு கொடுப்பார்கள் என்பதற்கு ஓரிரு வாரங்கள் காத்திருக்க வேண்டும்.

• செய்திகள்
• ஆல்பம்
• வீடியோ
• வந்த படங்கள்
• வரவிருக்கும் படங்கள்

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி