Dinamalar

ஒரே நாளில் தமிழ், தெலுங்கில் இரண்டு முக்கிய ரீரிலீஸ்

ரீரிலீஸ் என்பது கடந்த சில வருடங்களுக்கு முன்பிருந்தே மீண்டும் ஆரம்பமாகி இருந்தாலும் கடந்த ஓரிரு வருடங்களில் அடிக்கடி ரீரிலீஸ் படங்கள் வெளியாக ஆரம்பித்தது. இந்த வாரம் நவம்பர் 14ம் தேதி தமிழ், தெலுங்கில் இரண்டு முக்கிய ரீரிலீஸ் படங்கள் வெளியாக உள்ளன.

தமிழில் சேரன் இயக்கி நாயகனாகவும் நடித்து 2004ம் ஆண்டு வெளிவந்த 'ஆட்டோகிராப்' படம் வெளியாக உள்ளது. சினேகா, கோபிகா, மல்லிகா மற்றும் பலர் நடித்த இந்தப் படத்திற்கு பரத்வாஜ் இசையமைத்துள்ளார். படம் வெளியான போது அனைத்து தரப்பு மக்களின் வரவேற்பையும், ஊடகங்களில் நல்ல விமர்சனத்தையும் பெற்ற படம். அப்போது பிறந்தவர்கள் இன்றைய 'ஜென் சீ' சினிமா ரசிகர்களாக இருப்பார்கள். அவர்களையும் கவரும் விதத்தில் படத்தை வெளியிடுகிறார்கள்.

அது போலவே 1989ல் வெளியான தெலுங்குப் படமான 'சிவா' படத்தை ரீரிலீஸ் செய்கிறார்கள். ராம்கோபால் வர்மா இயக்கத்தில் இளையராஜா இசையமைப்பில், நாகார்ஜுனா, அமலா, ரகுவரன் மற்றும் பலர் நடித்த படம். தமிழில் 'உதயம்' என்ற பெயரில் அப்போதே டப்பிங் ஆகி வெளிவந்து 175 நாட்கள் வரை ஓடி பெரிய வெற்றியைப் பெற்றது.

21 வருட இடைவெளியில் 'ஆட்டோகிராப்' படம், 36 வருட இடைவெளியில் 'சிவா' படம் வெளியாகும் நிலையில் இரண்டு படங்களுக்கும் இன்றைய இளம் சினிமா ரசிகர்கள் எப்படியான வரவேற்பைக் கொடுக்கப் போகிறார்கள் என்பதைப் பொறுத்திருந்து பார்ப்போம்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...