Dinamalar

8 மணி நேர வேலை: ஓங்கி ஒலிக்கும் நடிகைகளின் குரல்

'எல்லா பணிகளையும் போன்று சினிமாவில் நடிப்பதும் ஒரு பணிதான். அதனால் 8 மணி வேலைநேர திட்டத்தை சினிமாவிலும் நடைமுறைப்படுத்த வேண்டும்' என்ற கோரிக்கை வலுத்து வருகிறது. இதனை முதலில் சொன்னவர் பாலிவுட் நடிகை தீபிகா படுகோனே. அவரை தொடர்ந்து ராஷ்மிகா மந்தனாவும் இதனை வழிமொழிந்தார்.

இப்போது கீர்த்தி சுரேசும் இதையே பேசி உள்ளார். அவர் நடித்துள் ரிவால்வார் ரீட்டா படம் வருகிற 28ம் தேதி வெளிவர இருக்கிறது. இதற்கான புரமோசன் பணிகளில் பிசியாக இருக்கும் கீர்த்தி சுரேஷிடம் இது தொடர்பாக நடந்த பத்திரிகையாளர் சந்திப்பில் 8 மணி நேர வேலை குறித்து கேள்வி எழுப்பியபோது, அவர் கூறியதாவது:

தற்போது 8 மணி நேர வேலை தொடர்பான ஆதரவு பெருகி வருகிறது. நடிகைகள் மட்டுமின்றி, லைட்மேன் வரை அனைவருக்குமே இது பொருந்தும். 8 மணி நேரம் நாங்கள் வேலை செய்த பிறகு இரவு 7 மணிக்குதான் படப்பிடிப்பு தளத்திலிருந்து கிளம்புகிறோம். வீட்டுக்கோ ஓட்டல் அறைக்கோ செல்ல 8 மணி அல்லது 9 மணி ஆகிவிடும். பிறகு ஜிம் ஒர்க் அவுட், உணவு சாப்பிடுவது என முடித்துவிட்டு நள்ளிரவு 12 மணிக்கு மேல்தான் தூங்கவே முடியும்.

மீண்டும் அதிகாலையில் படப்பிடிப்புக்காக எழுந்து கொள்ள வேண்டும். மலையாள சினிமாவில் 12 மணி நேர வேலை என்பது கட்டாயம். காரணம், அங்கு படத்தின் பட்ஜெட், குறுகிய கால படப்பிடிப்பு போன்ற விஷயங்கள் உள்ளது. அதுபோல் 12 மணி நேரம் வேலை செய்யவும் நான் தயார்தான். ஆனால் உடல் நலனுக்காக 8 மணி நேர வேலைதான் நல்லது. என்றார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி