Dinamalar

காமெடி நடிகர் மீது கதை திருட்டு புகார்

நாயகன், பில்லா பாண்டி படங்களை இயக்கியவர் சரவண சக்தி. தற்போது பல படங்களில் காமெடி வேடங்களில் நடித்து வருகிறார். இவர் மீது பிரபல தயாரிப்பாளரும், தமிழ்நாடு தயாரிப்பாளர் சங்க துணை தலைவருமான சிங்காரவேலன் கதை திருட்டு புகார் கூறியுள்ளார். இது தொடர்பாக அவர் விடுத்துள்ள அறிக்கையில் கூறியிருப்பதாவது:

கொரோனா ஊரடங்கின்போது என்னைத் தொடர்பு கொண்ட நடிகர் மற்றும் இயக்குநருமான சரவண சக்தி படப்பிடிப்பு இல்லாததால் பொருளாதார ரீதியாகச் சிரமப்படுவதாகவும், பண உதவி செய்யுமாறு கேட்டுக் கொண்டார். நானொரு கதை சொல்கிறேன் அதற்குத் திரைக்கதை அமைத்துத் தாருங்கள் என்று கூறி படத்திற்கு எங்க குலசாமி என்று தலைப்பும் நானே கொடுத்தேன். அதற்கு 50 ஆயிரம் சம்பளமும் கொடுத்தேன்.

ஆனால் என்னிடம் ஒப்புக்கொண்டபடி திரைக்கதை அமைத்து தரவில்லை. அதன் பின்னர் நான் கூறிய ஒரு வரி கதையை எனக்கு தெரிந்த வேறு ஒரு குழுவிடம் கொடுத்து திரைக்கதை அமைக்க சொல்லி, அதனை வைத்து தற்போது படம் தயாரிக்கும் முயற்சி நடந்து வருகிறது. நான் கொடுத்த எங்க குல சாமி என்ற டைட்டிலையும் வைத்துள்ளனர்.

இது தொடர்பாக கேள்வி கேட்டதால் நான் இல்லாத நேரத்தில் தனது நண்பர்களுடன் குடிபோதையில் எனது அலுவலகத்திற்கு வந்து கலாட்டா செய்தார். அலுவலக ஊழியர்கள் விருகம்பாக்கம் காவல் நிலையத்திற்கு தகவல் கொடுத்துள்ளனர். காவல்துறையினர் வருவதற்கு ஓடிவிட்டார்கள். காவல் நிலைய விசாரணைக்கு இதுவரை அவர் ஆஜராகவில்லை.

இவ்வாறு அந்த அறிக்கையில் கூறப்பட்டுள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...