Dinamalar

என்னை நடிகைகள் பாராட்டுவதில்லையே ஏன்? கங்கனா கேள்வி

பாலிவுட் நடிகை கங்கனா ரணவத் தனது நடிப்பில் மூலம் அடுத்தடுத்த உயரங்களை தொடுகிறவர். சமீபத்தில்கூட மணிகர்னிகா படத்தில் நடித்தற்காக தேசிய விருது பெற்றார். இதுதவிர அவர் தற்போது முன்னாள் முதல்வர் ஜெயலலிதாவின் வாழ்க்கை படமான தலைவியில் ஜெயலலிதாவாக நடித்து வருகிறார்.

ஜெயலலிதா போன்றே மாறி உள்ள அவரது நடிப்பை டீசரில், வெளியிடப்பட்ட பாடல்களில், புகைப்படங்களில் பார்த்து அவருக்கு பலரும் பாராட்டு தெரிவித்து வருகிறார்கள். ஆனால் எந்த ஒரு நடிகையும் அவரை பாராட்டவில்லை. இதுகுறித்து கங்கனா வருத்தத்துடன் தனது டுவிட்டரில் எழுதியிருப்பதாவது:

இந்தத் துறையில் நான் ஆதரிக்காத, பாராட்டாத ஒரு நடிகை கூட இல்லை. ஆனால், அவர்கள் யாருமே எனக்கு வாழ்த்தோ, ஆதரவோ கூறியதில்லை. அவர்கள் ஏன் எனக்கு எதிராகத் திரள்கிறார்கள் என்று தெரியவில்லை. அவர்களின் திரைப்படங்களின் திரையிடலுக்கு என்னைத் தொலைபேசியிலோ, நேரடியாகவோ வரச் சொல்வார்கள். நானும் செல்வேன். எனக்குப் பூக்கள் தந்து செல்லமே என்று கொஞ்சுவார்கள். ஆனால், எனது படத்தின் திரையிடல்களுக்கு அழைக்க முற்படும்போது எனது அழைப்புகளை எடுக்கவே மாட்டார்கள். இன்று நான் ஒவ்வொரு நாளும் அவர்களை ஆட்டுவிக்கிறேன். ஏனென்றால் அவர்கள் அதற்குத் தகுதியானவர்கள்தான். என்று கங்கனா எழுதியுள்ளார்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...