Dinamalar

பிரபுதேவாவின் 10 தோற்றங்களை உருவாக்கும் ஜாவி தாகூர்

ஒவ்வொரு முன்னணி நடிகரும் தங்களுக்கென்று தனியான ஸ்டைலிஸ்டுகளை நியமித்துக் கொள்வார்கள். இவர்கள்தான் அந்த நடிகர்கள் எந்த மாதிரியான உடை அணிய வேண்டும். எந்த மாதிரியான ஹேர் ஸ்டைல் வைத்துக் கொள்ள வேண்டும். எந்த மாதிரியான செருப்பு அணிய வேண்டும் என்பது வரை முடிவு செய்கிறவர்கள் ஸ்டைலிஸ்டுகள் தான். அந்த வரிசையில் பிரபு தேவாவின் ஸ்டைலிஸ்டாக கடந்த 7 வருடமாக பணியாற்றி வருகிறவர் ஜாவி தாகூர்.

பஹீரா படத்தில் பிரபுதேவா 10 தோற்றத்தில் வருகிறார். அதனை வடிவமைப்பவர் ஜாவி தாகூர். இது குறித்து அவர் கூறியதாவது: நான் புதுமையாக பல விசயங்களை முயற்சித்து பார்க்க பெருந்தன்மையுடன் இடம் தந்த இயக்குநர் ஆதிக்கிற்கு நன்றி. இப்படத்தில் பிரபுதேவா ஒன்றுக்கொன்று முற்றிலும் மாறுபட்ட, 10 விதமான தோற்றங்களில் தோன்றுகிறார். ஒவ்வொரு தோற்றமும் அதற்குரிய தனித்தன்மையுடன் தெரியும்படி வடிவமைத்தோம்.

ஒவ்வொரு பாத்திரத்தின் தோற்றத்தை, வடிவமைத்தது மிக சவாலானாதாக இருந்தது. இறுதியாக இப்போது டீஸருக்கு குவிந்து வரும் பாராட்டுகள், பெரும் மகிழ்ச்சியை தந்துள்ளது. பிரபுதேவாவுடன் பணியாற்றுவது எப்போதும் அலாதியான அனுபவம். சவாலான பணியாக இருந்தாலும் இனிமையான அனுபவமாக இப்படம் இருந்தது.

பஹீரா தவிர்த்து தேவி, யங் மங் சங், லக்ஷ்மி மற்றும் குலேபகாவலி படங்களிலும் பிரபுதேவாவிற்கு ஸ்டைலிஸ்ட்டாக பணிபுரிகிறேன். யங் மங் சங் படத்தில் மார்ஷியல் ஆர்ட்ஸ் கலைஞராக பிரபுதேவா நடித்துள்ளார். அப்படத்தில் அவரின் தோற்றத்தை வடிவமைக்கும் பொருட்டு நிறைய ஆராய்ச்சிகள் செய்தோம். குறிப்பிட்ட காலத்தில் சைனாவில் நிலவிய ஸ்டைலை அவருக்காக வடிவமைத்தோம்.

பிரபுதேவா தவிர்த்து தமிழில் ஆர் ஜே பாலாஜி மற்றும் அஷ்வின் ஆகியோருக்கும் ஸ்டைலிஸ்ட்டாக பணிபுரிந்து வருகிறேன். தமிழில் இன்னும் நிறைய படங்கள் செய்ய ஆசைப்படுகிறேன். என்றார்.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி