Dinamalar

ஏப்ரல் 23ல் 'எம்ஜிஆர் மகன்' ரிலீஸ் உறுதி

பொன்ராம் இயக்கத்தில் அந்தோணிதாசன் இசையமைப்பில் சசிகுமார், சத்யராஜ், மிருணாளினி ரவி, நந்திதா ஸ்வேதா, சமுத்திரக்கனி மற்றும் பலர் நடித்துள்ள படம் 'எம்ஜிஆர் மகன்'. இப்படம் ஏப்ரல் 23ம் தேதி வெளியாகும் என ஏற்கெனவே அறிவிக்கப்பட்டிருந்தது. இதனிடையே, கடந்த வாரத்திலிருந்து தியேட்டர்களில் 50 சதவீத இருக்கைகளுக்கு மட்டுமே அனுமதி என அரசு அறிவித்தது.

அதனால், வரும் வாரங்களில் வெளியாவதாக அறிவிக்கப்பட்ட படங்கள் வருமா, வராதா என்ற சந்தேகம் எழுந்தது. ஏப்ரல் 23ம் தேதி வெளியாவதாக இருந்த 'தலைவி' படத்தின் வெளியீட்டை தள்ளி வைக்கிறோம் என ஏற்கெனவே அறிவித்துவிட்டார்கள். மற்ற படங்களையும் அப்படியே தள்ளி வைப்பார்களா என்று குழப்பம் நீடித்தது.

இந்நிலையில் ஏற்கெனவே அறிவித்தபடி ஏப்ரல் 23ம் தேதி 'எம்ஜிஆர் மகன்' படம் வெளியாகும் என படக்குழுவினர் அறிவித்துள்ளார்கள். '50 சதவீத ஆடியன்ஸ், 100 சதவீத என்டர்டெயின்மென்ட்' என சொல்லி விளம்பரப்படுத்தி வருகிறது படக்குழு.

படத்தை இயக்கியுள்ள பொன்ராம் இதற்கு முன் இயக்கிய 'வருத்தப்படாத வாலிபர் சங்கம், ரஜினி முருகன்' ஆகிய படங்கள் இப்படித்தான் என்டர்டெயின்மென்ட்டாக அமைந்தன. ஆனால், அடுத்து அவர் இயக்கிய 'சீமராஜா' ஏமாற்றத்தைத்தான் தந்தது. இந்த 'எம்ஜிஆர் மகன்' என்டெர்டெயின்மென்ட்டா, ஏமாற்றமா என்பது இன்னும் ஒரு வாரத்தில் தெரிந்துவிடும்.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  பிளாஷ்பேக்: தமிழ் ரசிகர்களை கவர்ந்த முதல் மலையாள லேடி சூப்பர் ஸ்டார்
• 
  எனது பாடல்களை அனிருத் பாடல் என்று நினைக்கிறார்கள்: சாம் சி.எஸ் வருத்தம்
• 
  பிளாஷ்பேக்: பலாத்கார காட்சியில் பாடலை வைத்து புதுமை படைத்த இயக்குநர் கே ...
• 
  தவறான வீடியோ பதிவுக்கு ஆச்சரியப்பட்ட அல்லு அர்ஜுன்
• 
  மீண்டும் காதல் கிசுகிசுவில் சிக்கிய தனுஷ்