Dinamalar

புதிய அரசிடம் கோரிக்கை வைக்கும் திரையுலகினர்

தமிழ்நாட்டில் ஏற்பட்டுள்ள புதிய ஆட்சி மாற்றத்தால் தங்கள் திரையுலகத்திற்கும் புதிதாக நன்மைகள் கிடைக்காதா என திரையுலகினர் எதிர்பார்த்து வருகிறார்கள். முதல்வராகப் பதவியேற்க உள்ள மு.க.ஸ்டாலினை திரையுலக சங்கத்தினர் சந்திக்க ஆரம்பித்துள்ளார்கள். அவர்கள் ஏற்கெனவே வெளியிட்டுள்ள வாழ்த்துச் செய்தியிலும் தங்களது கோரிக்கைகளை முன் வைத்துள்ளார்கள்.

முந்தைய ஆட்சியில் தியேட்டர்களுக்கான தமிழக அரசு விதித்துள்ள உள்ளாட்சி வரியை நீக்க வேண்டும் என்பதை பிரதான கோரிக்கையாக வைத்திருந்தார்கள். ஆனால், அதை முந்தைய அரசு கடைசி வரை நீக்கவேயில்லை. தற்போது புதிய அரசு அமைய உள்ள நிலையில் அதை கோரிக்கையாகக் கேட்டுள்ளார்கள்.

தியேட்டர் டிக்கெட் கட்டணங்களுக்கு ஏற்கெனவே ஜிஎஸ்டி வரி உண்டு. டிக்கெட் கட்டணத் தொகைக்கேற்ப அது நிர்ணயிக்கப்பட்டுள்ளது. இது தவிர, டிஜிட்டல் நிறுவனங்களுடன் அடிக்கடி தயாரிப்பாளர்கள் பிரச்சினைகளை சந்தித்து வருகிறார்கள். துறைக்கென தனி அமைச்சர் நியமிக்கப்பட்டு பதவியேற்றதும் அவரிடம் தங்களது கோரிக்கைகள் குறித்து திரையுலகினர் தனித்தனியாக சந்தித்து கேட்க திட்டமிட்டுள்ளனராம்.

தியேட்டர்கள் மீண்டும் திறக்கப்படுவதற்குள் தங்களது சில கோரிக்கைகள் நிறைவேறினால் நல்லது என நினைக்கிறார்கள்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்