Dinamalar

சீன மொழியில் ரீமேக் ஆகும் த்ரிஷ்யம் 2 : கிளைமாக்ஸ் மாற்றம்

2013ஆம் ஆண்டு வெளியான மலையாள படம் த்ரிஷ்யம். ஜீத்து ஜோசப் இயக்கியிருந்தார். மோகன்லால், மீனா நடித்த இந்தப் படம் மலையாள சினிமா சரித்திரத்தை மாற்றி எழுதியது. வெள்ளி விழா கொண்டாடி, 100 கோடிக்கு மேல் வசூலித்து சாதனை படைத்தது. ஒரு சஸ்பென்ஸ் க்ரைம் த்ரில்லர் படத்தின் திரைக்கதை எப்படி இருக்க வேண்டும் என்பதற்கு பாடமாக அமைந்தது.

இந்திய மொழிகளில் ரீமேக் செய்யப்பட்ட இந்த படம் இந்தியாவை தாண்டி கொரியன், மற்றும் சீன மொழியிலும் ரீமேக் செய்யப்பட்டது. ஆனால் சீன ரீமேக்கில் த்ரிஷ்யம் படத்தின் கிளைமாக்ஸ் மாற்றப்பட்டது. சீன தணிக்கை சட்ட விதிகளின்படி ஒரு பிரஜை சட்டத்தின் பிடியில் இருந்து தப்பிப்பது போன்று காட்சிகள் இருக்க கூடாது என்பதால் போலீசிடமிருந்து தப்பிக்கும் ஹீரோ. பின்பு தானே குற்றத்தை ஒப்புக் கொண்டு சிறைக்கு செல்வது போன்று மாற்றப்பட்டது.

தற்போது த்ரிஷ்யம் படத்தின் 2ம் பாகமும் சீன மொழியில் ரீமேக் செய்யப்பட இருக்கிறது. முதல் பாகத்தை இயக்கிய சாம் குவா இரண்டாம் பாகத்தையும் இயக்குகிறார். இதிலும் மோகன்லால் தண்டனையில் இருந்து தப்புவது மாதிரியான கதை தான். இந்த கதையிலும் அவர் சிறை தண்டனை பெறுவது போன்று கதையிலும், காட்சியிலும் மாற்றங்கள் இருக்கும் என்ற தெரிகிறது.

சீன த்ரிஷ்யத்தில் முதல் பாகத்தில் ஹீரோ சிறைக்கு சென்று விடுவதால் இரண்டாம் பாகத்தில் அவர் நன்னடத்தை காரணமாக சில ஆண்டுகளிலேயே விடுதலை செய்யப்பட்டு தன் குடும்பத்தினரோடு சேர்வது போலவும், அப்போது அவர்களுக்கு வேறு பிரச்சினைகள் ஏற்படுவது போன்றும் கதையில் மாற்றம் இருக்கலாம். என்கிறார்கள்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  அபுதாபி ரிசார்ட்டில் நீச்சல் உடையில் சமந்தா
• 
  கூடுதல் காட்சிகளுடன் ஓடிடியில் 'விடுதலை 2' டைரக்டர்ஸ் கட்
• 
  ஆர்யா 36வது படத்தின் டைட்டில் டீசர் நாளை வெளியாகிறது
• 
  ஜூன் 13ல், 500 தியேட்டர்களில் படை தலைவன் ரிலீஸ்
• 
  டூரிஸ்ட் பேமிலி : கன்னட நடிகர் சுதீப் பாராட்டு