Dinamalar

டிவியில் நேரடியாக வெளியாகும் விஜய் சேதுபதியின் துக்ளக் தர்பார்

விஜய் சேதுபதி நடித்து முடித்துள்ள படம் துக்ளக் தர்பார். இந்தப் படத்தில் விஜய் சேதுபதியுடன், பார்த்திபன், ராஷி கண்ணா, மஞ்சிமா மோகன், கருணாகரன், பக்ஸ் பெருமாள் உள்ளிட்ட பலர் நடித்துள்ளனர்.அறிமுக இயக்குநர் பிரசாத் தீனதயாளன் இயக்கி உள்ளார்.

இந்த படம் தியேட்டரில்தான் வெளியிடப்படும் என்று அதன் தயாரிப்பாளர் தெரிவித்திருந்தார். ஆனால் அதன்பிறகு ஓடிடி தளத்தில் வெளியாகும் என்று கூறப்பட்டது. இந்த நிலையில் தற்போது படம் நேரடியாக டிவியில் வெளியாகும் என்ற தகவல்கள் வெளியாகி உள்ளது. விஜய்சேதுபதி தற்போது சமையல் நிகழ்ச்சி நடத்தி வரும் சேனலில் படம் ஒளிபரப்பாக ஒப்பந்தம் கையெழுத்தாகி உள்ளதாக கூறப்படுகிறது. சின்னத்திரையில் வெளியான பிறகு ஓடிடி தளத்தில் வெளிவரும் என்று தெரிகிறது.

சமுத்திரகனி நடித்த ஏலே, வெள்ளையானை, விக்ரம் பிரபு நடித்த புலிக்குத்தி பாண்டி, ஜி.வி.பிரகாஷ் நடித்த வணக்கம்டா மாப்ள உள்ளிட்ட சிறு பட்ஜெட் படங்கள்தான் தொலைக்காட்சியில் வெளியானது. முதன் முதலாக ஒரு பெரிய நட்சத்திரத்தின் படம் தொலைக்காட்சியில் வெளியாவது தியேட்டர் அதிபர்களிடையே அதிர்ச்சியை ஏற்படுத்தி உள்ளது.

விநாயகர் சதுர்த்தி அன்று வெளியாகும் என்று தெரிகிறது. இதுபற்றிய முறையான அறிவிப்புகள் இன்னும் ஒரு சில நாட்களில் வெளியாகும்.
இதேபோன்று ஐஸ்வர்யா ராஜேஷ் நடித்துள்ள பூமிகா டிவியில் ஒளிபரப்பாகிறது. இது ஐஸ்வர்யா ராஜேஷின் 25வது படமாகும். இதில் அவர் பூமா தேவியாக நடித்திருக்கிறார். படத்தை அறிமுக இயக்குனர் ரதீந்திரன் ஆர்.பிரசாத் இயக்கி உள்ளார். இந்த படம் அடுத்த மாதம் வெளியாகும் என்று தெரிகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  மீண்டும் தமிழ் படங்களில் கவனம் செலுத்தும் ரோஜா
• 
  சம்பளத்தை உயர்த்தினாரா ராஷ்மிகா மந்தனா
• 
  விஷால், சுந்தர். சி கூட்டணியின் 3வது படம்: கயாடு லோஹர் ஹீரோயின்?
• 
  உண்மையில் ஜனநாயகன், 'பகவந்த் கேசரி' ரீமேக்கா?
• 
  சரவண விக்ரம் ஹீரோவான முதல் படத்திலேயே ஹாட் முத்தக்காட்சிகள்