Dinamalar

சிம்புவின் தாயாரின் குற்றச்சாட்டுக்கு மைக்கேல் ராயப்பன் பதில்

மைக்கேல் ராயப்பன் தயாரித்த ‛அன்பானவன் அசராதவன் அடங்காதவன்' படத்தில் நடித்ததில் இருந்தே சிம்புவுடன் அவருக்கு மோதல் வெடித்து வருகிறது. இந்த நிலையில், தற்போது கவுதம்மேனன் இயக்கும் ‛வெந்து தணிந்தது காடு' படத்தில் நடிக்கிறார் சிம்பு. இந்த படம் தொடங்கப்பட்டதில் இருந்தே பெப்ஸிக்கும், தயாரிப்பாளர் சங்கத்துக்குமிடையே பிரச்னை வெடித்துள்ளது.

இந்தநேரத்தில் சிம்புவின் தாயாரான உஷா ராஜேந்தர், தனது மகன் சிம்புவுக்கு தயாரிப்பாளர் மைக்கேல் ராயப்பன் இன்னும் ரூ.3.50 கோடி சம்பள பாக்கி தர வேண்டியுள்ளதாக ஒரு வீடியோவில் தெரிவித்திருந்தார். இதையடுத்து தற்போது அதற்கு மறுப்பு தெரிவித்து மைக்கேல் ராயப்பன், ஒரு பேட்டி அளித்துள்ளார். அதில், ரூ.3.50 கோடி சம்பளம் தர வேண்டும் என்று உஷா ராஜேந்தர் சொல்வது அப்பட்டமான பொய் என்று தெரிவித்துள்ளார்.

மேலும், சிம்பு எனக்கு இன்னொரு படத்தில் நடித்து தரவேண்டுமென்று ஒப்பந்தத்தில் கையெழுத்திட சொன்னேன். அதற்காகத்தான் நான் ரூ.75 லட்சம் தருவதாக கூறியிருந்தேன். ஆனால் இப்போதுவரை சிம்பு அந்த ஒப்பந்ததை என்னிடம் தரவில்லை. மேலும் நான் அவர்களுக்கு கொடுத்த ஒரு செக் பவுன்ஸ் ஆகிவிட்டது. அதற்கு அடுத்த நாள் அதே தொகைக்கான டிடி எடுத்து அவர்களுக்கு கொடுத்து விட்டேன். ஆனால் இப்போதுவரை அந்த செக்கை அவர்கள் என்னிடம் திருப்பித்தரவில்லை என்றும் சிம்பு மீதான தனது குற்றச்சாட்டை தெரிவித்துள்ளார் தயாரிப்பாளர் மைக்கேல் ராயப்பன்.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  அமெரிக்க முன்பதிவு : 'வார் 2'ஐ பின்னுக்குத் தள்ளி முந்தும் 'கூலி'
• 
  கமல் தயாரிப்பில் அண்ணன், தம்பி நடிப்பார்களா?
• 
  ரசிகர்களுடன் போட்டோ, விருந்து : தனுஷ் மாறியது ஏன்
• 
  மாளவிகா மோகனனின் பிறந்தநாளுக்கு போஸ்டர் வெளியிட்டு அசத்திய மும்மொழி பட ...
• 
  50 வருடம் ஒருவர் சூப்பர் ஸ்டாராவே இருக்கிறாரே அதுதான் பெரிய விஷயம் ; கூலி ...