Dinamalar

'ரன் பேபி ரன்' - ஜீ தமிழில் புதிய ரியாலிட்டி ஷோ

பழைய சிந்தனைகளை தகர்த்து புதுமையான நிகழ்ச்சிகளான சர்வைவர், ராக்ஸ்டார், சூப்பர் குயின் போன்ற பல ரியாலிட்டி ஷோக்களை ஜீ தமிழ் தொலைக்காட்சி வழங்கி வருகிறது. இந்த வரிசையில் அடுத்து சேர்கிறது - 'ரன் பேபி ரன்' என்ற நிகழ்ச்சி. முற்றிலும் மாறுபட்ட ஒரு விளையாட்டு நிகழ்ச்சி.

உடல் மற்றும் மன வலிமை இரண்டும் சேர்ந்த இந்த போட்டாப் போட்டி நிகழ்ச்சியில், இரண்டு அணிகள் களமிறங்கி, சுவாரஸ்யமான சவால்களை எதிர்கொள்வார்கள். வரும் பிப்ரவரி 27 முதல் மதியம் 1:00 மணிக்கு இந்த நிகழ்ச்சியின் முதல் எபிஸோட் ஒளிபரப்பாகவுள்ளது. நகைச்சுவைக்கும், டைமிங் காமெடிக்கும் பெயர் பெற்ற துடுக்கான நடிகர் ஜகன், இந்த நிகழ்ச்சியைத் தொகுத்து வழங்குகிறார்.

ஒவ்வொரு வாரமும் ஒரு மணிநேர நிகழ்ச்சியாக ஒளிபரப்பாகவுள்ள இந்த நிகழ்ச்சியில் தமிழ் திரைப்படத் துறையை சேர்ந்த போட்டியாளர்கள் பங்கேற்கவுள்ளனர். இதுவரைக் கண்டிராத கடுமையான போட்டிகளை அவர்கள் சந்திப்பார்கள். ஈமோஜிகளை வைத்து பதில்களை கண்டுபிடித்து மறைந்துள்ள ஒரு பிரபலத்தை அறியும் பந்தையம் துவங்கி, பல்வேறு புதுமையான விளையாட்டுகளை இந்த நிகழ்ச்சியில் நேயர்கள் காணலாம்.

ஒவ்வொரு சுற்றின் முடிவிலும் போட்டியாளர்கள் பல பரிசுகளை வெல்லலாம். இருப்பினும்,'டோன்ட் மூவ் சேலஞ்ச்' ஒவ்வொரு சுற்றையும் வெல்லும் அணிகளுக்கு கடும் சவாலாக இருக்கும். இந்த பகுதியின் போது, போட்டியாளர்கள் ஒரு அசைவாலோ அல்லது வெறும் கண் சிமிட்டல் காரணமாகவோ அதுவரை வெற்றி பெற்ற அனைத்தையும் இழக்க நேரலாம். பரபரப்பான ஒவ்வொரு சுற்றிலும் ஆறு போட்டியாளர்கள் இரண்டு அணிகளாக பிரிந்து பரிசுத் தொகையை தட்டிச் செல்ல மோதுவார்கள்.

ரன் பேபி ரன் வரும் பிப்ரவரி 27 முதல், ஒவ்வொரு ஞாயிறும் மதியம் 1:00மணிக்குஒளிபரப்பாகவுள்ளது

• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...
• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...

• 
  சின்னத்திரை நடிகர் சங்க தலைவராக பரத் தேர்வு
• 
  சின்னத்திரை நடிகர் சங்கத் தேர்தல்: ஓட்டுப்பதிவு விறுவிறு
• 
  நீரும் நெருப்பும், ராஜாவின் பார்வையிலே, வேலையில்லா பட்டதாரி-2 - ஞாயிறு ...
• 
  உழைக்கும் கரங்கள், உன்னிடத்தில் என்னைக் கொடுத்தேன், பீஸ்ட் - ஞாயிறு ...
• 
  கோவிலில் தீ மிதித்த புகழ்