Dinamalar

'கைதி' ரீமேக்கை காலி பண்ணியாச்சி : அடுத்து 'வீரம்' ரீமேக் என்னாகுமோ ?

தமிழிலிருந்து ஹிந்திக்கும் பல படங்கள் காலம் காலமாக ரீமேக்காகி வருகிறது. சமீப காலமாக ஹிந்தியில் முன்னணி ஹீரோக்கள் நடிக்கும் படங்கள் பெரும் மசாலா படங்களாக மட்டுமே வந்து கொண்டிருக்கின்றன.

'கைதி' படத்தை ஹிந்தியில் 'போலா' என ரீமேக் செய்து பத்து நாட்களுக்கு முன்பு வெளியிட்டார்கள். 'கைதி' படத்தில் இருந்த அந்த தரத்தை தவிடுபொடியாக்கி வெறும் கமர்ஷியல் படமாக மட்டுமே ஹிந்தியில் கொடுத்திருந்தார்கள். பெரும் வசூலைப் பெற முடியாமல் அந்தப் படம் தடுமாறி வருகிறது.

இந்நிலையில் அஜித், தமன்னா நடித்து 2014ல் வெளிவந்த 'வீரம்' படத்தை ஹிந்தியில் சல்மான் கான், பூஜா ஹெக்டே, தெலுங்கு நடிகர்கள் வெங்கடேஷ், ஜெகபதி பாபு மற்றும் பலர் நடிக்க 'கிசி கா பாய் கிசி கி ஜான்' என ரீமேக் செய்து வருகிறார்கள். அதன் டிரைலரை நேற்று வெளியிட்டார்கள்.

டிரைலரின் முதல் பாதியில் சல்மான், பூஜா இடையிலான காதல் காட்சிகளும், இரண்டாம் பாதியில் ஆக்ஷன் மட்டுமே இடம் பெறும் விதத்திலும் டிரைலர் உள்ளது. கடந்த 16 மணி நேரங்களில் 8 மில்லியன் பார்வைகளை இந்த டிரைலர் கடந்துள்ளது. ஹிந்தியிலும் அதிரடி மசாலாப் படமாகவே எடுத்திருக்கிறார்கள் என்பதை டிரைலரைப் பார்க்கும் போதே தெரிகிறது. ஏப்ரல் 21ம் தேதி இப்படம் வெளியாகிறது.

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி