Dinamalar

'அனிமல்' முதல் நாள் வசூல் ரூ.116 கோடி என அறிவிப்பு

சந்தீப் ரெட்டி வங்கா இயக்கத்தில், ரன்பீர் கபூர், ராஷ்மிகா மந்தனா மற்றும் பலர் நடிப்பில் நேற்று பான் இந்தியா படமாக வெளியான ஹிந்திப் படம் 'அனிமல்'. இப்படத்திற்கு ஹிந்தி ரசிகர்களிடம் நல்ல வரவேற்பு கிடைத்துள்ளது. நேற்று படம் வெளியான முதல் நாளில் மட்டும் ரூ.116 கோடி வசூலித்துள்ளதாக படக்குழுவினர் அதிகாரப்பூர்வமாக அறிவித்துள்ளனர்.

இந்த ஆண்டில் முதல் நாளிலேயே 100 கோடி வசூலைக் கடந்த 5வது படமாக 'அனிமல்' படம் அமைந்துள்ளது. 2023ம் ஆண்டைப் பொறுத்தவரையில் முதல் நாள் வசூலில் 148 கோடி வசூலித்து தமிழ்ப் படமான 'லியோ' முதலிடத்திலும், 140 கோடி வசூலித்து 'ஆதிபுருஷ்' 2வது இடத்திலும், 129 கோடி வசூலித்து 'ஜவான்' 3ம் இடத்திலும், 116 கோடி வசூலித்து 'அனிமல்' 4ம் இடத்திலும், 106 கோடி வசூலித்து 'பதான்' 5வது இடத்திலும் உள்ளது.

இதுவரையில் வெளியான படங்களில் 'ஆர்ஆர்ஆர்' படம் முதல் நாளில் 223 கோடி வசூலித்து முதலிடத்திலும், 'பாகுபலி 2' படம் 214 கோடி வசூலித்து இரண்டாமிடத்திலும், 'கேஜிஎப் 2' படம் 162 கோடி வசூலித்து மூன்றாமிடத்திலும் உள்ளது.

மொத்தமாகப் பார்த்தால் 'டாப் 5' படங்களில் முதல் நான்கு இடங்களை தென்னிந்தியப் படங்களே பிடித்துள்ளன.

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்