Dinamalar

சூர்ப்பனகையாக மாறும் ரகுல் பிரீத் சிங்

புராண கால இதிகாசமான ராமாயணத்தை தழுவி வெவ்வேறு படங்கள் தென்னிந்திய மொழிகள் மற்றும் ஹிந்தியில் அவ்வப்போது வெளியாகி வருகின்றன. அந்தவகையில் பிரபாஸ் நடிப்பில் வெளியான ஆதிபுருஷ், சமீபத்தில் வெளியாகி வரவேற்பை பெற்ற ஹனுமான் ஆகிய படங்களை தொடர்ந்து ராமாயண் என்கிற பெயரிலேயே ஹிந்தியில் ஒரு படம் உருவாக உள்ளது.

ரன்பீர் கபூர் கதாநாயகனாக நடிக்கும் இந்த படத்தில் அவரது ஜோடியாக சீதா கதாபாத்திரத்தில் நடிக்க சாய் பல்லவி ஒப்பந்தமாகி இருக்கிறார் என்று சொல்லப்படுகிறது. மேலும் நடிகர் யஷ் ராவணனாகவும், சன்னி தியோல் ஹனுமன் ஆகவும் நடிக்கிறார்கள் என்றும் தகவல் வெளியானது.

அதேசமயம் சாய் பல்லவி கால்சீட் பிரச்னை காரணமாக இந்த படத்தில் வெளியே இருந்து வெளியேறி விட்டார் என்றும், யஷ் இந்த படத்தில் தான் நடிக்க ஒப்பந்தமாகவே இல்லை என்று சொல்லிவிட்டதாகவும் கூட ஒரு தகவல் வெளியானது. இது ஒரு பக்கம் இருக்க தற்போது இந்த படத்தில் சூர்ப்பனகை கதாபாத்திரத்தில் நடிகை ரகுல் பிரீத் சிங் நடிக்கிறார் என்றும் ஒரு தகவல் வெளியாகி உள்ளது. மேலும் தசரத சக்கரவர்த்தி கதாபாத்திரத்தில் நடிகர் அமிதாப்பச்சன் நடிக்கிறார் என்றும் சொல்லப்படுகிறது. இதுகுறித்து படக்குழுவினரிடம் இருந்து விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

• 
  ஒரே வாரத்தில் பரபரப்பை ஏற்படுத்திய நடிகர்கள்
• 
  24 மணி நேரத்தில் 'ஜெயிலர்' சாதனையை முறியடித்த 'கூலி' டிரைலர்
• 
  'கூலி' : அமெரிக்க பிரிமீயர் முன்பதிவில் 1 மில்லியன் வசூல்
• 
  தெலுங்குத் திரையுலகத்தில் இன்று முதல் ஸ்டிரைக்
• 
  'ஏஐ' மூலம் மாற்றப்பட்ட கிளைமாக்ஸ்: தனுஷ் எதிர்ப்பு

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?