Dinamalar

நடிகைகளிடம் அத்துமீறல் எதிரொலி ; தனி ஆளாக புரமோட் செய்த நிவின்பாலி

நிவின்பாலி நடிப்பில் மலையாளத்தில் அடுத்ததாக வெளியாக இருக்கும் படம் சாட்டர்டே நைட். இந்த படத்தை பிரபல இயக்குனர் ரோஷன் ஆண்ட்ரூஸ் இயக்கியுள்ளார். தமிழில் ஜோதிகா ரீ என்ட்ரி கொடுத்த 36 வயதினிலே படத்தை இயக்கியவர் இவர்தான். ஏற்கனவே காயங்குளம் கொச்சுண்ணி என்கிற படத்தில் நிவின்பாலியை ஹீரோவாக வைத்து இயக்கி அதை வெற்றிப்படம் ஆக்கிய ரோஷன் ஆண்ட்ரூஸ் இரண்டாவது முறையாக அவருடன் இணைந்துள்ள படம் தான் இந்த சாட்டர்டே நைட்.

இந்த படத்தில் கதாநாயகியாக சானியா ஐயப்பன் நடித்துள்ளார். முன்னணி காமெடி நடிகர் அஜு வர்கீஸ் மீண்டும் நிவின்பாலியுடன் இந்த படத்தில் இணைந்துள்ளார். விரைவில் இந்த படம் வெளியாக உள்ள நிலையில் இந்த படத்தின் புரமோஷன் நிகழ்ச்சியில் நிகழ்ச்சிகள் துவங்கியுள்ளன. அதன் ஒருபகுதியாக கொச்சியில் உள்ள பிரபல ஷாப்பிங் மால் ஒன்றில் நடைபெற்ற நிகழ்ச்சியில் தனி ஆளாக கலந்து கொண்டு ரசிகர்களை சந்தித்தார் நிவின்பாலி.

கடந்த சில தினங்களுக்கு முன்பு இதே ஷாப்பிங் மாலில் இரண்டு நடிகைகள் ஒரு படத்தின் புரமோஷன் நிகழ்ச்சியில் கலந்துகொண்டபோது அங்கே கூடியிருந்த மிகப்பெரிய ரசிகர் கூட்டத்தில் ஏற்பட்ட தள்ளுமுள்ளுவில் ஒரு சிலர் சம்பந்தப்பட்ட நடிகைகளிடம் அத்துமீறிய நிகழ்வு அதிர்ச்சியை ஏற்படுத்துவதாக இருந்தது. அதில் நடிகை ஒருவர் ஒரு ரசிகரை அடிப்பதற்காக பாய்ந்த வீடியோ ஒன்று சோசியல் மீடியாவில் வெளியாகி வைரல் ஆனது. அதுபோன்ற ஒரு நிகழ்வு மீண்டும் நடக்கக்கூடாது என்பதற்காக தான் நிவின்பாலி மட்டுமே இந்த நிகழ்ச்சியில் கலந்து கொண்டார் என சொல்லப்படுகிறது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...
• 
  மறைந்த நடிகர் சீனிவாசனின் உண்மையான வயது என்ன? கிளம்பிய விவாதமும் தெளிந்த ...