Dinamalar

முதன்முறையாக காமெடியில் கை வைத்திருக்கும் ஜீத்து ஜோசப்

மலையாள திரையுலகில் முன்னணி இயக்குனர்களின் ஒருவர் ஜீத்து ஜோசப். மோகன்லாலை வைத்து இவர் இயக்கிய திரிஷ்யம் படத்தின் வெற்றி மலையாளத்தையும் தாண்டி தென்னிந்திய மொழிகள் மற்றும் பாலிவுட் வரை இவரை அடையாளப்படுத்தியது. அதன்பிறகு தமிழில் பாபநாசம், மீண்டும் திரிஷ்யம்- 2 என தொடர் வெற்றி படங்களை கொடுத்ததால் இவரது படங்களுக்கு என ஒரு தனியாக ரசிகர் கூட்டமே உருவாகி உள்ளது. அதை தக்க வைக்கும் விதமாக மீண்டும் அடுத்தடுத்த ஹிட் படங்களை கொடுத்த ஜீத்து ஜோசப் கடந்த வருடம் மோகன்லாலை வைத்து இயக்கிய நேர் திரைப்படமும் மிகப்பெரிய வெற்றி பெற்றது.

இந்த நிலையில் தற்போது நுனக்குழி என்கிற படத்தை இயக்கியுள்ளார் ஜீத்து ஜோசப். மின்னல் முரளி பட இயக்குனரும் சமீபத்தில் வரவேற்பை பெற்ற ஜெய ஜெய ஜெய ஜெய ஹே மற்றும் குருவாயூர் அம்பலநடையில் படங்களில் ஹீரோவாக நடித்தவருமான பசில் ஜோசப் தான் இந்த படத்தில் கதாநாயகனாக நடித்துள்ளார். நிகிலா விமல் கதாநாயகியாக நடிக்க, மனோஜ் கே.ஜெயன் முக்கிய வேடத்தில் நடித்துள்ளார்.

விரைவில் இந்த படம் வெளியாக உள்ள நிலையில் சமீபத்தில் இதன் டீசர் வெளியானது. ஆச்சரியமாக இதுநாள் வரை சீரியஸான படங்களை மட்டுமே கொடுத்து வந்த ஜீத்து ஜோசப், இந்த படத்தில் முதன்முறையாக காமெடி ஏரியாவிலும் கை வைத்துள்ளார். அதேசமயம் வழக்கமான அவரது படங்களில் இருக்கும் திரில்லர் அம்சமும் குறையாமல் அதையே காமெடி பிளேவரில் கொடுக்கப் போகிறார் என்பது இந்த படத்தின் டீசரை பார்க்கும்போதே தெரிகிறது.

• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'
• 
  ஹிந்தியில் திரிஷ்யம் 3 ரிலீஸ் தேதியை அறிவித்த அஜய் தேவ்கன்
• 
  கார் விபத்தில் நடிகை நோரா பதேஹி காயம்
• 
  ‛டாக்ஸிக்' படத்தில் நாடியாவாக கியாரா அத்வானி!
• 
  சாராவை தவறான நோக்கத்தில் கட்டிப்பிடிக்கவில்லை : பாலிவுட் நடிகர் ராகேஷ் ...

• 
  மகன் படப்பிடிப்பை பார்க்க வந்த தந்தை மம்முட்டி
• 
  போதைப்பொருள் பயன்படுத்திய வழக்கில் நடிகர் ஷைன் டாம் சாக்கோ விடுவிப்பு
• 
  மத்திய அமைச்சர் முன்னிலையில் பா.ஜ.,வில் இணைந்த நடிகை ஆம்னி!
• 
  மம்முட்டியின் களம்காவல் படம் சர்வதேச வசூலில் புதிய சாதனை
• 
  அதனால்தான் மம்முட்டி வித்தியாசமானவர் : துருவ் விக்ரம் பாராட்டு