Dinamalar

நடிகர் சங்கத்திற்கு பெண் தலைமை : மோகன்லால் ஆலோசனைப்படி வேட்பு மனுவை வாபஸ் பெற்ற நடிகர்

கேரளாவில் கடந்த வருடம் நீதிபதி ஹேமா கமிஷன் அறிக்கை வெளியானதை தொடர்ந்து மலையாள திரையுலகில் மிகப் பெரிய பரபரப்பு ஏற்பட்டது. குறிப்பாக பல நடிகைகள், தாங்கள் வாய்ப்புக்காக நடிகர்கள் மற்றும் இயக்குனர்களால் பாலியல் அத்துமீறல்களுக்கு ஆளானதாக குற்றம் சாட்டினார்கள். போலீசிலும் புகார் அளித்தார்கள். குறிப்பாக மலையாள நடிகர் சங்கத்தில் பொறுப்பில் இருக்கும் நடிகர்கள் கூட இந்த குற்றச்சாட்டுக்கு ஆளாகி சிலர் கைதும் செய்யப்பட்டார்கள். இதற்கு தார்மீக பொறுப்பு ஏற்று நடிகர் சங்க தலைவரான மோகன்லால் ராஜினாமா செய்தார். மற்ற உறுப்பினர்களும் கூண்டோடு அவருடன் ராஜினாமா செய்தனர்.

தற்போது அரசால் நியமிக்கப்பட்ட தற்காலிக குழு நடிகர் சங்கத்தை கவனித்து வரும் நிலையில், விரைவில் நடிகர் சங்கத்திற்கு தேர்தல் நடைபெற இருக்கிறது. நடிகர் மோகன்லால் மீண்டும் தலைவர் பதவிக்கு போட்டியிட போவதில்லை என திட்டவட்டமாக மறுத்துவிட்டார். இதனைத் தொடர்ந்து நடிகர்கள் பலரும் தலைவர் பதவிக்கு வேட்பு மனு தாக்கல் செய்துள்ளனர். அதில் குறிப்பாக நடிகை ஸ்வேதா மேனன் தலைவர் பதவிக்கு வேட்பு மனு தாக்கல் செய்துள்ளது மலையாள திரை உலகில் பலரது புருவங்களை உயர வைத்துள்ளது.

மேலும் குணச்சித்திர நடிகர் ஜெகதீஷ், நடிகர் ரவீந்திரன், பாட்ஷா வில்லன் நடிகர் தேவன் உள்ளிட்ட ஆறு பேர் மனு தாக்கல் செய்துள்ளனர். இந்த நிலையில் நடிகர் ஜெகதீஷ் தனது வேட்பு மனுவை வாபஸ் பெற்றுள்ளதாக ஒரு தகவல் வெளியாகி உள்ளது. அதாவது நடிகர் சங்க தலைவர் பொறுப்பிற்கு இப்போதைய சூழலில் பெண் ஒருவர் வருவது தான் சரியானதாக இருக்கும் என மோகன்லால், மம்முட்டி இருவருமே கருதுகிறார்களாம். அதனால் ஸ்வேதா மேனனுக்கு வலு சேர்க்கும் விதமாக நடிகர் ஜெகதீஷை அழைத்துப் பேசி அவரது வேட்பு மனுவை வாபஸ் பெறும்படி கூறியுள்ளனர் என்றும் சொல்லப்படுகிறது.

இவரை தவிர மற்ற நடிகர்களுக்கு பெரிய செல்வாக்கு இல்லை என்பதால் ஸ்வேதா மேனன் தலைவர் பதவிக்கு எளிதாக தேர்ந்தெடுக்கப்பட வாய்ப்பு இருப்பதாக சொல்லப்படுகிறது. நடிகர் சங்கத்தை பொறுத்த வரை பெரும்பாலும் நடிகைகள் உள்ளிட்ட பெண்களே குற்றச்சாட்டுகளை வைப்பதால், வரும் காலத்தில் அதற்கு ஒரு தீர்வாக ஒரு பெண் தலைவராக வருவது தான் சரியாக இருக்கும் என்பதால்தான் மோகன்லாலும் மம்முட்டியும் இந்த முடிவை எடுத்துள்ளதாக சொல்லப்படுகிறது.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  சோசியல் மீடியாவில் 7 ஆண்டுகளாக அவதூறு பரப்பிய பெண்ணை அடையாளப்படுத்திய ...
• 
  அசினுடன் நடந்த டெஸ்ட் ஷூட் : பஹத் பாசிலுக்கு கைமாறிய பிரித்விராஜ் படம்
• 
  பிரசாந்த் நீல், ஜூனியர் என்டிஆர் படத்தில் இணைந்த டொவினோ தாமஸ்
• 
  வில்லன் நடிகரின் வீண் பிடிவாதத்தால் மோகன்லால் ராஜினாமா செய்தார் : மாலா ...
• 
  மஞ்சும்மேல் பாய்ஸ் தயாரிப்பாளரின் முன்ஜாமின் மனுவை தள்ளுபடி செய்ய உச்ச ...