Dinamalar

ரசிகர்களின் பாதுகாப்பு முக்கியம் - 'வலிமை' ரிலீஸ் தள்ளி வைப்பதாக அறிவிப்பு

வினோத் இயக்கத்தில் அஜித், ஹூயுமா குரேஷி, கார்த்திகேயா உள்ளிட்டோர் நடிப்பில் உருவாகி உள்ள படம் ‛வலிமை‛. கொரோனா பிரச்னையால் இரு ஆண்டுகளாக தயாராகி வந்த இந்த படம் வெளியீடாக ஜன., 13ல் வெளிவருவதாக அறிவிக்கப்பட்டது. ஆனால் அடுத்த சில நாட்களில் கொரோனா பரவல் அதிகமாகியது. தியேட்டர்களில் 50 சதவீத இருக்கை அனுமதி, இரவு நேர ஊரடங்கு, ஞாயிறு முழு ஊரடங்கு என அமல்படுத்த வேண்டிய சூழ்நிலையும் ஆகியது.

ஏற்கனவே கொரோனா பரவலை காரணம் காட்டி 'ஆர்ஆர்ஆர், ராதேஷ்யாம்' என மற்ற பெரிய பான்- இந்தியா படங்கள் தங்கள் வெளியீட்டைத் தள்ளி வைப்பதாக முன்கூட்டியே அறிவித்துவிட்டார்கள். ஆனால் வலிமை எப்படியும் வந்துவிடும் என்றும், தள்ளிப்போகலாம் என்றும் நேற்று முதலே சமூகவலைதளங்களில் தொடர்ந்து கருத்துக்கள் போய் கொண்டிருந்தன. இந்நிலையில் வலிமை படத்தை தள்ளி வைப்பதாக அறிவித்துள்ளனர்.

இதுதொடர்பாக படக்குழு சார்பில் வெளியிட்ட அறிக்கை : பார்வையாளர்களும், ரசிகர்களும் எப்போதும் மகிழ்ச்சிக்கு ஆதாரமாக உள்ளனர். கடினமான காலங்களில் அவர்களின் நிபந்தனையற்ற ஆதரவும், அன்பும் கஷ்டங்களை எதிர்கொள்ளவும், எங்கள் கனவு திட்டத்தை வெற்றிகரமாக முடிக்கவும் எங்களுக்கு முக்கிய நம்பிக்கையை ஏற்படுத்தியது.

ஒவ்வொரு தருணத்திலும் தியேட்டர்களில் ரசிகர்கள் மகிழ்ச்சியாக படத்தை பார்க்க வேண்டும் என்பதேயே நாங்கள் விரும்பினோம். அதே நேரத்தில் ரசிகர்களின் பாதுகாப்பு எப்போதும் முக்கியம். உலகம் முழுவதும் கொரோனா அதிகரித்து வருவதால், அதிகாரிகளின் விதிமுறைகளுக்கு இணங்க, நிலைமை சீராகும் வரை எங்கள் ‛வலிமை' படத்தின் வெளியீட்டை ஒத்திவைக்க முடிவு செய்துள்ளோம்.

அனைவரும் தடுப்பூசி செலுத்தி கொள்ளுங்கள், மாஸ்க் அணியுங்கள், பாதுகாப்பாக இருங்கள். விரைவில் தியேட்டரில் உங்களை சந்திக்கிறோம்.

இவ்வாறு தெரிவிக்கப்பட்டுள்ளது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...