சம்பளத்தை உயர்த்தினாரா எஸ்ஜே சூர்யா ?

07 பிப், 2022 - 12:58 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ் சினிமவில் இயக்குனர்களாக இருந்து நடிகர்களாக மாறியவர்கள் நிறைய பேர். அவர்களில் தற்போது தனது வித்தியாசமான நடிப்பால் பரபரப்பாகப் பேசப்படுபவர் எஸ்.ஜே.சூர்யா. வெங்கட் பிரபு இயக்கத்தில், சிலம்பரசன் கதாநாயகனாக நடித்த 'மாநாடு' படத்தில் எஸ்ஜே சூர்யாவின் நடிப்பு அவருக்கு பெரிய பெயரை பெற்றுத் தந்தது. அவருடைய வசனங்கள் வீடியோ மீம்ஸ் செய்யும் அளவிற்கு பிரபலமானது.

'மாநாடு' வெற்றிக்குப் பிறகு அவரைத் தேடி பல புதிய படங்களின் வாய்ப்புகள் வந்து கொண்டிருக்கிறதாம். தற்போது சிவகார்த்திகேயன் நாயகனாக நடித்துள்ள 'டான்' படத்தில் முக்கிய கதாபாத்திரத்தில் நடித்து முடித்துள்ளார். மேலும், எஸ்ஜே சூர்யா கதாநாயகனாக நடித்துள்ள சில படங்கள் இன்னும் வெளியாக வேண்டி உள்ளது.

ஆதிக் ரவிச்சந்திரன் இயக்கத்தில் விஷால் நாயகனாக நடிக்கும் 'மார்க் ஆண்டனி' படத்தில் முக்கிய கதாபாத்திரத்தில் நடிக்கிறார் எஸ்ஜே சூர்யா. இப்படத்திற்காக அவருக்கு முன்பை விட அதிகமான சம்பளம் கொடுக்கப்பட்டதாகத் தகவல். 'மாநாடு' வெற்றிக்குப் பிறகு எஸ்ஜே சூர்யாவும் தன்னுடைய சம்பளத்தை உயர்த்திவிட்டாராம்.

இதனிடையே, தெலுங்குத் தயாரிப்பாளர் ஒருவர் எஸ்ஜே சூர்யாவை அவரது படம் ஒன்றில் வில்லனாக நடிக்க அணுகியதாகவும் ஏழு கோடி ரூபாயை எஸ்ஜே சூர்யா சம்பளமாகக் கேட்க அதிர்ச்சியுள்ள தயாரிப்பாளர் அமைதியாகச் சென்றதாகவும் தகவல் பரவி வருகிறது.

SJSurya

கருத்துகள் (0) கருத்தைப் பதிவு செய்ய

ஒன்றாக லன்ச் சாப்பிட்ட சமந்தா, ...

'வலிமை' வந்துதான் காப்பாற்ற ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய